12-16 нчы ноябрь аралыгында мәктәбебездә физика, математика, информатика атналыгы уза. Шул уңайдан математика һәм информатика укытучысы Айрат Зөфәр улы 5-7 сыйныфлар өчен "Куркынычсыз интернет" дигән темага класс сәгате уздырды. Укучылар интернет-сервислар турында кызыклы мәгълүматлар алдылар. Интернетта ничек итеп мошенниклар кулына эләкмәскә, алданмаска дигән киңәшләр бирелде.

Юка боз катламы белән капланган сулыклар гражданннар һәм балалар өчен куркыныч тудыра. Балалар белән бәхетсезлек очраклары булдырмау йөзеннән мәктәбебездә “Игътибар - юка боз” дигән темага  1-9 сыйныфларда тәрбия сәгатьләре үткәрелде. Укучылар боз катканда сулыклар янында бәлагә юлыкмас өчен төрле кагыйдәләр белән таныштылар. 

Бүген мәктәптә мәктәп туры олимпиадасында җиңгән укучыларны котладылар. Аларга һәрберсенә грамоталар бирелде. Әлеге укучылар районда үтәсе олимпиадаларда катнашачаклар. Аларга уңышлар теләп калабыз. 

Сегодня учащиеся 9 класса прошли апробацию  итогового устного собеседования по русскому языку.

Бүген мәктәп күләмендә 1 чиреккә йомгак ясау максатыннан ата-аналар җыелышы үткәрелде. Каникул чорында үтәлергә тиешле куркынычсызлык кагыйдәләре аңлатылды. 9 сыйныф укучыларының әти-әниләре ОГЭга әзерлек торышы, сентябрь, октябрь айларында үткәрелгән сынау имтиханнары нәтиҗәләре белән таныштырылды.

Мәктәптә 5 сыйныфлар арасында "Табигатьне ничек сакларга" дигән темага буклетлар конкурсы оештырылган иде. Һәр укытучы, укучы үзенә ошаган буклетка тавыш бирде. Нәтиҗәдә, әлеге конкурста Мөхәмәтханова Алинәнең эше иң әйбәте дип табылды

Башлангыч сыйныфлар бу көнне Сөмбелә бәйрәмен уздырдылар. Укучылар төрле уеннар уйнадылар, җырлар җырлардылар. Сөмбеләнең табышмакларын чиштеләр. Бәйрәм ахырында укучылар үзләре әзерләгән флешмоб күрсәттеләр. Укытучылар да, укучылар да бәйрәмнән канәгать калды.

27 октябрь көнне Арча шәһәрендә армспорт буенча ярыш булып узды. Бу ярышта безнең мәктәп укучылары катнашты. Гыйззәтов Дамир - 3 урын, Габдрахманов Кәрим - 1 урын, Латыпов Алмаз - 1 урын, Мөхәмәтханова Алия - 3 урын яулады.

Бүген 2 сыйныф укучыларын Карлыгачлар сафына кабул иттеләр. Үзләренең осталыкларын, тапкырлыкларын, җырга-биюгә оста булуларын күрсәттеләр. Бәйрәм укучыларга бик ошады. Ахырдан "Карлыгач җыр"ын җырладылар.

26 октябрь көнне Иске Ашыт төп мәктәбендә 2006-2007 елгы кызлар арасында волейбол ярышы булып узды. Безнең мәктәп командасы әлеге ярышта 1 урынны яулады. Аларга алга таба зур җиңүләр телибез!