Бүген мәктәбебездә 5-9 сыйныф укучылары өчен көз бәйрәме оештырылды. Укучылар командаларга бүленеп, төрле биремнәр үтәделәр. Сөмбелә кызы бәйрәмне тагын да ямьләндерде, укучыларны үзенең күчтәнәчләре белән сөендерде. Шулай ук, һәр сыйныф композицияләр ясап, төрле номинацияләрдә җиңү яулады.Бәйрәмнең икенче өлеше дискотека белән тәмамланды.

18-21 октябрь көннәрендә волейбол буенча Татарстан Республикасы беренчелеге өчен 2004-2005 нче елгы егетләр арасында ярыш булып узды. Әлеге ярышта Арча волейбол командасы 1 урынны яулады. Командада безнең мәктәп укучылары Габдрахманов Кәрим һәм Гыйззәтов Дамир катнашты. Егетләргә алга таба да уңышлар телибез!

Бүген мәктәптә "Парламент, мин һәм җәмгыять" дигән темага парламент дәресе узды. Укучылар әлеге дәрестә Россия Федерациясенең сайлау системасы, аның асылы, төп чыганаклары, сайлау процессы белән таныштылар. 

15 нче октябрь - Хәтер көне уңаеннан мәктәбебездә 1552 нче елда булган тарихи вакыйгаларны  алдык.

Мәктәп буенча "Мин һәм юл" дигән рәсем конкурсы булды. Иң уңышлы рәсемнәрдән мәктәп фойесында күргәзмә дә оештырылды.

Бүген Казанбаш мәктәбендә "Юлларда сак бул" дигән тәрбия сәгатьләре үтте. Әлеге сәгатьләрдә укучылар юл йөрү кагыйдәләрен искә төшерделәр, юл хәләкәтләренең килеп чыгу сәбәпләрен ачыкладылар, гомумән, юл йөрү кагыйдәләренең килеп чыгышы турында кызыклы мәгълүматлар алдылар. Тәрбия сәгатьләре уен, сорау-җавап формасында барды.

Бүген мәктәпнең тәҗрибәсе участогында зур эш оештырылды. Укытучылар һәм укучылар бакчадан көзге мул уңышны җыеп алдылар. Тирә-якны чистарту-агарту эшләре башкарылды.

Мәктәп укучылары укытучыларны һөнәри бәйрәмнәре белән котлап, үзләре ясаган видеоролик күрсәттеләр һәм бәйрәм иртәсе оештырдылар. Укытучыларга рәхмәт сүзләре җиткерделәр һәм чәчәк бәйләмнәрен тапшырдылар. 

2 октябрь көнне Казанбаш мәктәбенең 5-9 сыйныф укучылары Яңа Кырлай авылындагы Г.Тукай музеена экскурсиягә бардылар. Укучылар Г.Тукай яшәгән Сәгъди йортында, музейда булдылар. Бөек шагыйребез Г.Тукай турында белемнәрен искә төшерделәр, шулай ук үзләренә шагыйрь тормышы, аның якыннары турында кызыклы мәгълүматлар алдылар. Экскурсия кызыклы һәм тирән эчтәлекле иде. 

1 октябрь - халыкара өлкәннәр көне. Шул уңайдан Казанбаш мәктәбе коллективы өлкән буын укытучыларын котлады. Башлангыч сыйныф укытучылары һәм мәктәп укучылары тарафыннан әзерләнгән концерт күрсәтелде. Бәйрәм чәй табыны янында дәвам итте.