Бу көнне безнең мәктәп укучылары, Бөек Җиңүнең 73 еллыгына районда уздырылган "Онытмыйк Җиңү батырларын, алар өчен үлем юк җирдә" фестивалендә катнашып, лауреат дипломына ия булдылар.Котлыйбыз!

Укучылар, укытучылар чәчәкләр, шарлар, бабаларының, авылдашларыбызның фотоларын тотып "Үлемсез полк" акциясендә катнаштылар.

Бөек Җиңүнең 73 еллыгы уңаеннан авылдашларыбыз истәлегенә салынган һәйкәл янында тантаналы митинг узды. Укучылар тыл ветераннарын, сугыш чоры балаларын котлап чыгыш ясадылар, һәйкәлгә венок, чәчәкләр куйдылар.

         27 нче апрельдә Арчаның 3 нче номерлы башлангыч гомуми белем мәктәбендә туган якны өйрәнү буенча “Милли эзләнүләр” проекты астында үтүче “Туган ягым – Татарстан. Тарих һәм бүгенгесе” икенче районкүләм фәнни-гамәли конференция  үтте. Бу конференциядә безнең мәктәпнең  4 нче  класс укучысы Кударов И.- 2 урынга лаек булды. Аны чын күңелдән котлыйбыз һәм киләчәктә дә уңышлар телибез.

              27 нче апрель көнне МЧС хезмәткәрләре мәктәп укучылары белән очрашу үткәрде. Алар укучыларга язгы ташу чорында куркынычсызлык кагыйдәләрен төгәл үтәргә кирәклеген аңлаттылар. Шулай ук шикле предметлар белән сак булу, терроризмга каршы чаралар турында сөйләделәр.

               26 нчы апрель - Габдулла Тукайның туган көне.Шушы уңайдан мәктәптә 7 нче һәм 8 нче класс егетләре арасында "Тамчы шоу" бәйгесе үткәрелде. Бәйге соравы Тукайның тормыш юлы һәм иҗатына багышланган иде.Укучылар үзләренең Тукайны ни дәрәҗәдә белүләрен күрсәттеләр. Бәйге Тукай шигырьләрен сәнгатьле уку белән чиратлаштырылды. 8 класс укучысы Мөхәммәтханова Алия Тукай сүзләренә язылган "Туган авыл" җырын татар, рус, инглиз телләрендә башкарды. Ахырдан җиңүчеләргә бүләкләр тапшырылды.

26 нчы апрель көнне Арчаның "Казан арты" музеенда "Моңлы Сазым" дип аталган кичәдә 8 нче класс укучысы Мөхәммәтова Алия Казанбаш төп мәктәбенең данын яклады. Ул Тукай сүзләренә язылган "Туган авыл" җырын өч телдә башкарып, Диплом белән бүләкләнде. Котлыйбыз!

Арча һәм Әтнә районнары хәрби комиссариаты, Арча ДОСААФ оешмасы тарафыннан оештырылган, Бөек Җиңүнең 73 еллыгына багышланган, шигырь һәм рәсем конкурсында катнашып 3 нче класс укучысы Ваһапова Сөмбелә (җитәкчесе Галимова Р.Ә.) һәм 2 нче класс укучысы Рәхимов Фәнзил (җитәкчесе Рамазанова Ф.Р.) Рәхмәт хатлары белән бүләкләнделәр.

Буген башлангыч класс укучылары өчен оештырылган сәнгать атналыгыңа йомгак ясалды. Иң актив укучыларга, район күләмендә оештырылган конкурсларда җиңүчеләргә  грамоталар тапшырылды.