Без, 8 класс укучылары,  23 февраль - Ватанны саклаучылар көне уңаеннан мәктәп укучыларын, укытучыларны, техник хезмәткәрләрне бәйрәм белән котладык. Бәйрәм "Җиңүдә өлешем бар"  исеме астында үткәрелде, бәйрәмгә үзебезнең бабаларыбызны - сугыш чоры балаларын да чакырдык. Алар үзләренең тормыш юллары турында сөйләделәр, үзләренең Армиядәге хезмәт еллары белән таныштырдылар. Без барлык ир-егетләрне бәйрәм белән котлыйбыз, нык сәламәтлек, тыныч, аяз күк телибез.

Класс җитәкчесе: Мустафина Г.А.)

Татар теле һәм әдәбияты укытучысы Г.Р.Җәләлетдинова Муса Җәлилнең туган көне уңаеннан 6 класс укучылары катнашында "Тапкырлар һәм зирәкләр" бәйгесе үткәрде. Укучылар Муса Җәлилнең тормыш юлы, иҗаты буенча белемнәрен сынадылар. "Йолдызчык" һәм "Кояшкай" командалары катнашты. Мәкальләрне дәвам иттеләр, язучыларны портретлары буенча танып белделәр, М.Җәлилнең шигырьләрен яттан сөйләделәр, сорауларга җавап бирделәр, бәйгене матур җырлар белән тәмамладылар. 

Без, 8 класс укучылары, 23 февраль - Ватанны саклаучылар көне уңаеннан сугыш ветераны Фахриев Минкамулланы бәйрәм белән котладык. Ул безгә тырышып уку, спорт белән шөгыльләнү киләчәк тормыш өчен бик кирәклеге турында әйтте. Киләчәктә илебезне саклаучылар булып үсеп җитүебезне теләде. (Класс җитәкчесе: Мустафина Г.А.)

Башлангыч сыйныфлар  атналыгы кысаларында Иске Кишет башлангыч мәктәбендә "Мавыктыргыч грамматика" викторинасы үтте.  Укучылар рус теле фәне буенча сорауларга җаваплар  таптылар, сүзләр төзеделәр, ребуслар, башваткычлар чиштеләр.  Викторина файдалы һәм кызыклы үтте. Җиңүчеләр билгеләнде.

19 нчы февраль көнне 9 класста "Чын егетләр нинди булырга тиеш?" дигән темага тәрбия сәгате узды. Егетләрнең кыюлыгы, батырлыгы, Ватан алдындагы бурычлары таныштырылды.
Тәрбия сәгате эчтәлекле булды. Класс җитәкчесе Г.Р.Җәләлетдинова

Сәнгать атналыгы кысаларында "Көйне таны!" бәйгесе үтте.  "Фа" һәм "Ля" командалары катнашты. Музыка сәнгате буенча сорауларга җавап таптылар, җырны башкаручыны билгеләделәр, татар композиторларын портретлары буенча танып ачыкладылар, көйне танып җырның исемен атадылар. Берничә очко белән 6 класс укучыларыннан торган "Фа" командасы өстен чыкты. Сәнгать укытучысы Альбина Минзиевна уен-бәйгене кызыклы һәм мавыктыргыч оештырган иде. 

Мәктәптә сәнгать атналыгы кысаларында  Бөек Җиңүнең 70 еллыгына карата рәсем конкурсы узды. Әлеге конкурста 5-7 нче сыйныф укучылары  актив катнашты. Алар ясаган рәсемнәрдән күргәзмә оештырылды. Иң матур рәсем ясаучылар булып Гобәйдуллина Нәзилә, Кәримова Алинә,  Сабирҗанов Салават, Минҗанова Фирүзә, Шәрәфиев Нур, Гайфуллина Диләрә, Коттусова Илүзәләр саналды. Җиңүчеләр дә шулар арасыннан билгеләнәчәк.

15 нче февральдә соңгы совет сугышчысы Әфганстан чиген атлап чыкканга 26 ел булды. Шул уңайдан, мәктәбебездә әфганчы-интернационалистлар белән очрашу кичәсе узды. Әфган вакыйгаларының шаһите булган Ахмадуллин Фаяз абый, Ибрагимов Мәхмүт абый үзләренең истәлекләре белән уртаклаштылар, укучыларга теләкләрен җиткерделәр. Берәүнең дә аларның алга куелган бурычларын намус белән үтәвен онытырга хакы юк!

Башлангыч сыйныфлар атналыгының бер көнендә Советлар Союзы  Герое Муса Җәлилгә багышланган тәрбия сәгате узды. Укучылар Муса Җәлил белән беррәтттән аның көрәштәшләре турында да мәгълүмат алдылар. Тәрбия сәгате презентация буенча алып барылды. Соңыннан укучылар М.Җәлил шигырьләрен сөйләде.

Китапханәче Надия Ризвановна сугыш чоры балалары белән очрашу үткәрде. Очрашуда мәктәбебез укучылары актив катнашты. Кунакларыбызның сугыш чорындагы авыл кешесенең  тормышы турында сөйләүләрен, укучыларыбыз бик кызыксынып тыңладылар. Эчтәлекле презентация күрсәтелде. Укучыларыбыз матур җырларын, шигырьләрен бүләк иттеләр. Җиңүнең 70 еллыгы уңаеннан үткәрелгән бу чара укучылар өчен бик файдалы булды.