Бүген, көзнең матур көнендә, дәресләрдән соң укытучылар һәм укучылар мәктәп бакчасына өмәгә чыктык. Чәчәкләрнең орлыкларын җыеп алдык. Георгин бәрәңгеләрен урнаштырдык. Чәчәк түтәлләрен чистартып тәртипкә китердек. Мәктәп бакчасы чистарып калды. Менә шулай акрын гына кышка әзерләнәбез.

    8 нче октябрь көнне Арча педагогия көллиятендә күренекле тел галиме Юсупов Рүзәл Абдуллаҗан улының юбилее уңаенан очрашу булды.
    2018 нче елның 14 нче сентябрендә Татарстан Республикасы Фәннәр Академиясенең вице-президенты, ТДГПУның тел белеме кафедрасы мөдире, филология фәннәре докторы, профессор, ТР ФА академигы, Татар АССРның атказанган фән эшлеклесе, фән һәм техника өлкәсендә Татарстан дәүләт премиясе лауреаты Рүзәл Абдуллаҗан улы Юсуповның тууына 80 ел.
    Рүзәл Юсуповның актив, нәтиҗәле фәнни-педагогик һәм җәмәгать эшчәнлеге авыр балачак һәм яшүсмер вакыты белән тыгыз бәйләнгән. Чөнки нәкъ менә кечкенә чакта аңарда көчле рух, тырышлык һәм максатчанлык кебек сыйфатлар тәрбияләнә.
    Әтнә районының Кышкар җидееллык мәктәбен тәмамлагач, Р.Юсупов Казан кооперация техникумында укый. Аннары яшь товароведны Курган өлкәсенә эшкә җибәрәләр. Армиядә чик буе гаскәрләрендә хезмәт итә. Демобилизациядән соң, Казан дәүләт университетына укырга керә, Ленин стипендиясен алып укый. Университетны гел “бишле” билгеләренә тәмамлый...

    Илебез буенча октябрь ае башында Өлкәннәр һәм укытучылар көне билгеләнеп үтелә. Төрле җирләрдә өлкәннәрне, укытучыларны котлаулар, бүләкләүләр, искә алулар бара. 
    Өлкән кешеләр – безнең әти-әниләребез, әби-бабайларыбыз. Алар бик күп авырлыклар күргән, дөньяның ачысын-төчесен татыган кешеләр. Аларны өлкән булган өчен генә түгел, ә әти-әниләребез, әби-бабайларыбыз булган өчен дә хөрмәт итәргә тиешбез.
    Кичә клубта, мәктәп коллективы, укучылар, клуб, музей, китапханә һәм авыл җирлеге хезмәткәрләре көче белән, "Өлкәннәр көне" уңаеннан оештырылган “Олыласаң олыны, олыларлар үзеңне” исемле кичә булып узды. Укучылар, бу көнне, олылар белән беррәттән, укытучыларны да бәйрәмнәре белән тәбрик иттеләр. Бәйрәм табын артында матур шигырьләр, җырлар, дәртле биюләр, скетчлар белән үрелеп барды.

    Башлангыч класс укучылары арасында "Куркынычсызлык атнасы" акциясе кысаларында велосипедта төрле ярышлар уздырылды. Укучылар бик кызыксынып, күнегүләрне төгәл эшләргә тырыштылар. Велосипедта дөрес урында йөрү, урамда үзеңне дөрес тоту кагыйдәрәре искә төшерелде, инструкция уздырылды. Мондый чараларны еш үткәрергә кирәк дигән фикердә калдык.

    Көзнең матурлыгы, күркәмлеге көзге муллык белән билгеләнә. Быел иген, яшелчә, җиләк-җимеш уңышы мулдан булды. Яңа җыелган яшелчә-җимеш ашарга да тәмле, файдалы да.
    “Көзнең бер көне, ел туйдыра”-дип юкка әйтмәгәннәр. Бүген табигатьнең иң матур көнендә без дэ, дәрестән соң мәктәп бакчасында эшләдек. Кишер, чөгендер алдык, аларны чистартып, кышкы саклауга куйдык...

    Бүген физкультура дәресендә башлангыч класс укучылары ГТО нормалары тапшырдылар. Балалар бик актив булдылар,күнегүләрне төгәл итеп , узыша-узыша башкардылар. Ахырдан хәрәкәтле уеннар оештырылды. Алдагы дәресләрдә тагын да тырышыбрак шөгыльләнергә кирәк. Юкка гына сәламәт тәндә , сәламәт акыл димәгәннәр.

    Янгын сүзе һәркем өчен йөрәк өшеткеч яңгырый. Тормыш булгач, бәла-казалар да чыгып тора. Еш кына мондый хәвефле бәхетсезлек очраклары гражданнарның ваемсызлыгы, янгыннан саклану чараларын төгәл үтәмәүләре нәтиҗәсендә килеп чыга. 
    Бүген мәктәбебездә укучылар белән “Ут – дус та, дошман да!” дигән тема астында тәрбия сәгате үтте. Янгын куркынычсызлыгы кагыйдәләре аңлатылды, янгын чыгу сәбәпләре искә төшерелде, гадәттән тыш хәлдә үзеңне тоту кагыйдәләре өйрәнелде. 

    Көз көне халык мул уңыш җыеп ала һәм елның сихри фасылында-көн белән төн тигезләшкән мәлдә Сөмбелә бәйрәме уздыра. Бу - уңыш бәйрәме. Элек бәйрәмнең хуҗабикәсен сайлаганнар. Ул чибәр, уңган кыз булган. Аны Сөмбелә дип атаганнар, башаклар белән бизәлгән тәхеткә утыртканнар. Бу көнне мул итеп ризык пешерелгән, кешеләр өйдән-өйгә йөреп, җырлап-биеп күңел ачканнар. Без дә бүген шулай күңел ачтык, Кушлавыч авыл клубы бинасында көз сылуы Сөмбелә белән очраштык. Балалар күңелле уеннар уйнап, күңел ачтылар...

    Бүген югары класс укучылары белән Куликово сугышы темасы буенча тәрбия сәгате үткәрелде. Куликово сугышы турында кызыклы белешмә бирелде, викторина үздырылды. Укучылар ,һичшиксез, татар халкының тарихын белеп, аның белән кызыксынып яшәргә тиеш. Куликово сугышы булганмы соң? Кайчан һәм кайда булган ул? Туктамыш хан бөек Мамайга карата сугыш алып барганмы яисә киресенчә, ул аны Алтын Урда җирләренә алып керергә ярдәм иткәнме дигән сорауларга укучылар җавап таба алдылар.

    Юлларда булган хәвеф –хәтәрләрдән күпме кеше зыян күрә. 
    Күпме кан, яшь түгелә. Инвалид утыргычына утыручылар саны арта, күпме кешенең гомере өзелә. Ә бит болар арасында балалар да күп. Гаепне кемнән эзләргә? Мондый хәвеф – хәтәрләрне булдырмый калу өчен нәрсә эшләргә соң? Шушы сорауларга җавап табар өчен, без бүген 7-9 класс укучылары белән “Сак йөрегез юлларда” дигән әңгәмә үткәрдек. Класс сәгатендә балалар катнашындагы юл – транспорт һәлакәтен профилактикалау; юл хәрәкәте билгеләрен , велосипедчылар өчен кагыйдәләрне искә төшердек һәм ныгыттык, урамда һәм юлларда үз –үзеңне дөрес тоту культурасы турында сөйләштек.
    Юлларыбыз имин , эшләребез уң, күңелләребез тыныч булсын!