С 1 февраля 2018 года начался прием заявлений в 1 класс МБОУ «Кошлаучская ООШ» Арского МР РТ.

2018 елның 1 февраленнән Кушлавыч төп гомуми белем мәктәбенә 1 сыйныфка укырга керү өчен гаризалар кабул итү башланды.

    Татарстан Республикасы Мәгариф һәм фән министрлыгы, Татнетны үстерү фонды һәм Арча муниципаль районы башкарма комитетының “Мәгариф идарәсе” муниципаль учреждениесе, Кушлавыч төп гомуми белем мәктәбе белән берлектә бөек татар шагыйре Г.Тукайның тууына 132 ел тулуга багышланган «Хезмәтем, көчем – милләтем өчен» девизы астында үткәрелүче II Россиякүләм «Китапнамә»ләр («Буктрейлер») бәйгесе НӘТИҖӘЛӘРЕ билгеле...

    Агымдагы елны бәйгегә 5 юнәлеш буенча 77 эш кабул ителде. Иң активлар гуманитар фәннәр юнәлешендә булды (39 эш). Республиканың төрле районнарыннан килгән эшләр белән беррәттән Пенза, Самара өлкәләреннән дә эшләр тәкъдим ителде...

    Эшләрне һәр жюри әгъзасы махсус 7 критерий буенча бәяләп ахыдран һәр эшкә гомуми баллар билгеләнеп җиңүчеләр ачыкланды. Нигезләмә буенча эшләрнең сыйфатына карап кайбер юнәлештәге 2-3 урыннар башка юнәлешкә дә күчерелде. Әлегә belem.ru сайтындагы официаль битебез техник сәбәпләр аркасында ачылмый һәм күп кенә укытучыларның еллык эшләренә нәтиҗә ясарга кирәклеген истә тотып җиңүчеләрне монда тәкъдим итәргә карар кылынды.(belem.ru сайты төзәтелеп эшли башлауга барлык яңалыкларны тулырак итеп эләчәкбез).  

    26 нчы апрель сөекле шагыйребез Габдулла Тукайның туган көне. Быел аның тууына 132 ел. Барлык татар милләте аның иҗатын белә, ярата, өйрәнә. 
    Без исә, Кушлавыч халкы, бөек әдип белән аеруча да горурланабыз. Ел саен аның туган көнен түземсезлек белән көтәбез. Г. Тукайның туган көнен без быел "Таттелеком"оешмасы хезмәткәрләре белән билгеләп үттек. Алар быелгы Тукай премиясе лауреаты да әле. Кушлавыч мәктәбе һәм балалар бакчасы, Тукаевларның музей-йорты, авыл клубы, китапханә хезмәткәрләре кунакларны театраль тамаша белән каршыладылар. Кунаклар шагыйрь иҗаты белән кызыксынуларын яшермәделәр, киресенчә, сораулар биреп әңгәмә оешырдылар. Аларга үз чиратыбызда Тукай мирасын саклауда керткән өлешләре өчен зур рәхмәтләребезне җиткерәбез.
    Соңыннан бәйрәм рухында Тукай һәйкәленә чәчәкләр куеп, шагыйрьнең әтисе Мөхәммәтгариф хәзрәт каберен зиярат кылып кайттык.

    Кичә Арчаның 6 нчы номерлы мәктәбендә Бөек татар шагыйре Габдулла Тукайның 132 еллык туган көненә багышланган "Без - Тукай оныклары" исемендә шигырь бәйгесе үзды. Әлеге чарага районыбыз мәктәпләреннән бик талантлы балалар килгән иде. Безнең укучыбыз Бикчәнтәев Рөстәм 2 нче урынга лаек булды. Афәрин, Рөстәм!..

    Арчаның 2 нче номерлы урта мәктәбендә, "Тукай, Тукай синең моңны тыңлый, туган халкым әле бүген дә!" дип исемләнгән районара бәйге булып узды. Анда җыр һәм нәфис сүз буенча укучылар көч сынаштылар.
    Мәктәбебездән "Вокал - соло" номинациясендә катнашып, 3 нче сыйныф укучысы Бикчәнтәева Чулпан II нче дәрәҗә лауреат исемен яулады. Җитәкчесе: сәнгать укытучысы Бикчәнтәева Нурзилә Рафаэль кызы. Котлыйбыз һәм киләчәктә дә уңышлар телибез!

    Татарстан Республикасы Мәгариф һәм фән министрлыгы, Татнетны үстерү фонды һәм Арча муниципаль районы башкарма комитетының “Мәгариф идарәсе” муниципаль учреждениесе, Кушлавыч төп гомуми белем мәктәбе белән берлектә бөек татар шагыйре Г.Тукайның тууына 132 ел тулуга багышланган «Хезмәтем, көчем – милләтем өчен» девизы астында үткәрелүче II Россиякүләм «Китапнамә»ләр («Буктрейлер») бәйгесе үткәрә...

    Бүген Арчаның 2 нче урта мәктәбендә бадминтон һәм өстәл теннисы уеннарының зона ярышлары булып узды. Безнең мәктәбебездән дә беренчел профсоюз оешмасыннан укытучыбыз А.А.Мингазов катнашты. Ул, бадминтон буенча, 3 нче урынны яулады. Киләчәктә дә зур уңышлар теләп калабыз.

    12 апрель "Космонавтика көне"! 1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылган. Бу кеше - очучы космонавт Юрий Алексеевич Гагарин. Узган гасырны галимнәр, язучылар һәм журналистлар төрлечә атадылар: атом гасыры, генетика гасыры, кибернетика гасыры һ.б. Иң еш кулланыла торган атама “Космик гасыр”булгандыр...
    Бүген мәктәбебездә "Космонавтика көне"нә багышланган сыйныф сәгатьләре үтте. Укучылар "Россиянең космосны үзләштерүдәге ирешкән уңышлары" дигән видеодәрес карадылар. Бу дәрестә алар илебез космонавтика үсешенең төп этаплары турында белделәр...

    Туган якның бизәге сез,туган якның җаны сез
    Туган якка сез бик кирәк, онытмагыз сез аны!
    Ярый әле киткән чакта бөтенләйгә китмисез
    Яз быел да бигрәк гүзәл, тик сез генә җитмисез.

    Бала чактан ук һәркайсыбыз “Кошлар – безнең дусларыбыз“ дип кабатларга күнеккәнбез. Чынлап та, кошлар борын-борыннан ук кешеләрнең игътибарын үзләренә җәлеп иткәннәр. Кешене кошларның матур төсе, моңлы итеп сайравы, тиз очышлары сокландырган...

    Мәктәбебездә дә авыл клубы, авыл китапханәсе хезмәткәрләре белән берлектә, бик күңелле итеп, “Башваткыч” уены уйнап "Кошлар көне"н үткәрдек. Әлеге чараның төп максаты - кошларның табигатьтәге һәм кеше тормышындагы күпкырлы әһәмияте, төрләре, аларны саклау турында мәгълүмат җиткерү. Уен барышында укучылар үзара көч сынашты: кроссвордлар чиштеләр, мәкаль һәм әйтемнәрне искә алдылар, әдәби викторина сорауларына да бик теләп җавап бирделәр. Уенның җиңүчесе Шерматов Рәйхан булды.

    Кошларны дусларыбыз дип санасак, без аларны яратыйк, яклыйк һәм саклыйк!

    11 апрель - Халыкара фашист концлагерьларыннан тоткыннарны азат итү көне.
    Бөек Ватан сугышы вакытында Германия һәм ул оккупацияләгән илләр территориясендә 14 меңнән артык концлагерь эшләве мәгълүм. Алар аша дөньяның 30 иленнән 20 миллион кеше (5 миллионлабы элеккеге СССР гражданнары) узган, 12 миллионнан артыгы үлгән яки үтерелгән һәм аларның 2 миллионлабы - балалар... Балигъ булмаган һәр ун тоткынның берсенә генә исән калу бәхете насыйп була.
    1945 елның 11 апрелендә, Германия территориясендәге Бухенвальд концлагере тоткыннары баш күтәрә. Соңрак әлеге дата, Берләшкән Милләтләр Оешмасы карары белән, фашист концлагерьларыннан, геттолардан тоткыннарны азат итү көне буларак билгеләп үтелә башлый.
    Шул уңайдан бүгенге тәрбия сәгатендә укучылар белән әңгәмә үткәрелде.