Кичә мәдәният йортында балалар өчен бал-маскарад оештырылды. Кыш бабай белән Кар кызы әле безнең якларда йөриләр икән. Алар белән ел символы - Әтәч тә бар. Балалар аларга үз һөнәрләрен күрсәттеләр,  ә кунаклар аларга төрле кызыклы уеннар алып килгәннәр.  Бәйрәм ел буена истә калырлык булды.

Бүген укучыларыбыз һәм укытучыларыбыз бергәләшеп чаңгы шуарга чыкты. Чаңгы ярышларыннан соң бергәләшеп кышкы уеннар да уйналды.

Нинди күңелле икән ул

Бергәләп чаңгы шуу.

Рәхәтләнеп уйнагач,

Булмады бер дә туңу.

Балалар бакчасы нәниләре дә Кыш бабай килүен  түземсезләнеп көтәләр. Кыш бабай белән Кар кызына күрсәтү өчен яңа һөнәрләр өйрәнүләрен дәвам итәләр.

Бүген мәдәният йортында укучыларыбызның Чыршы бәйрәме үтте. Кыш бабай белән Кар кызын балалар түземсезләнеп, зур әзерлек белән көтеп алдылар. Кыш бабай зур сынаулар үтеп, Чыршы бәйрәменә килеп өлгерде. Бүләкләре белән беррәттән капчыктан рәхмәт хатлары, грамоталар да килеп чыкты. Бәйрәмдә укучылар киләсе ел өчен бик күп энергия алып кайтып китте.

Татар теле буенча районда үткәрелгән олимпиадада 4 нче сыйныф укучысы Хәбибуллина Л.  җиңүче исеменә лаек булды. Котлыйбыз, яңа уңышлар сиңа!

Бизәдек классларны

Яңа ел килә диеп.

Кыш бабай да озак тормас

"Бабалар көтә!" - диеп.

Укучыларыбыз рус теленнән үткәрелгән район олимпиадасында катнашып, үзләренең белемнәрен сынап кайттылар. 2 нче класс укучысы Хаертдинов А. призер исеменә лаек булды. Котлыйбыз!

2 нче класс укучысы Низамова А. Мөхәммәт Мәһдиев укулары кысаларында үткәрелгән "Шигърият бакчасы" конкурсында катнашып, 2 урын яулады. Иҗади уңышлар телибез аңа! 

Мәктәп-бакчабызда  Яңа елга әзерлек бик оешкан төстә бара. Мәктәп капка төбеннән үк ел символы - Әтәч каршы алса, ишегалдында төрле әкият персонажлары көтеп тора. 

Кичә Ашытбаш урта мәктәбендә үткәрелгән шашка ярышларында мәктәбебездән дә бер команда катнашты һәм уңышлар яулап кайтты.  Котдусов Р. малайлар арасында - 1 нче, Галаветдинова А. кызлар арасында-3 нче урынны алды. Алда да зур уңышларга ирешүләрен телибез!