Бүген башлангыч класс укытучысы  Мәгъсүмова Г.Х.  укытучыларга һәм тәрбиячеләргә математикадан телдән исәпләү буенча мастер класс күрсәтте. Һәр кешегә китапчыклар таратылды. Укытучыларның тәҗрибә уртаклашып эшләүләре практикада бик зур файда бирә.

Педагог оештыручы Котдусова Г.М. тәрбия сәгатендә башлангыч сыйныф укучыларына  интернет челтәрләрендә үзең турында белешмәләр урнаштырганда сак булырга, артык күп мәгълүматлар калдырырга ярамавы турында аңлатты. 

Укучыларыбыз мәктәп китапханәсе фондын яңа әдәби китаплар белән баеттылар. Иске китапларга да яңа сулыш өрделәр: аларны төпләделәр, битләрен ябыштырдылар.

Мәдәният йортында балалар бакчасы һәм башлангыч укучылары "Уңыш бәйрәменең" беренче өлешен бик күңелле итеп үткәрделәр. Әкият тә күрсәтелде. Сөмбелә алып килгән уен-ярышлар да мавыктыргыч булды. 

Кадерле әти-әниләр, авылдашлар! Бүген сезне мәктәп-бакчабыз укучылары һәм балалар бакчасы нәниләре катнашындагы "Уңыш бәйрәме"нә көтеп калабыз!

Бүген  Арчада  балалар бакчасында тәрбияләнүчеләр арасында йөгерү һәм озынлыкка сикерү ярышлары булды. Безнең балалар бакчасыннан да Усманов И.Х. һәм Низамов С.Р. катнашып, зур җиңүләр яулап кайттылар. Усманов йөгерү буенча беренче, озынлыкка сикерү буенча өченче урынны яулады. Котлыйбыз сезне! Алдагы ярышларда да уңышлар сезгә!

"Көзге фантазия" конкурсына бик матур, зәвыклы эшләр тапшыралар. Конкурсыбыз тәмамланырга бары 1 көн калып бара. 

"Надо жить честно!" конкурсында барлык укучылар да актив катнашты. Рәсемнәрдән күргәзмә оештырылды.  Җиңүчеләр  грамоталар белән бүләкләнделәр, ә  калган укучыларга сертификатлар бирелде. Котлыйбыз сезне, укучылар! Алдагы конкурсларда да актив булуыгызны теләп калабыз.

Балалар бакчасы нәниләр көзге байлыкларны үз рәсемнәрендә чагылдырдылар. 

Нәни генә булсак та

Пумала кулыбызда.

Үз рәсемнәребездән

Канәгать барыбыз да.

Мәктәп-бакча балаларының барысында да яктырткыч наклейкалар булдырылды. Укучыларыбызга юлларда сак йөрергә кирәклеге даими аңлатылып торыла.