Бүген мәктәп-бакчада   янгын килеп чыкканда эвакуацияләнү эшчәнлеге практик рәвештә өйрәнелде. Укучылар һәм балалар бакчасында тәрбияләнүчеләр тиз арада мәктәп һәм бакча бинасыннан спорт мәйданчыгына чыгып тезелделәр.

Сак булыгыз, нәниләр!

Ут белән шаярмагыз!

Кулларга шырпы алып,

Һичкайчан уйнамагыз!

Бүген балалар бакчасында нәниләрне  янгын куркынычсызлыгы кагыйдәләре белән таныштырдылар. 

Һәр класста  янгын куркынычсызлыгы буенча класс сәгатьләре үткәрелде. Балалар  табышмаклар, викторина сорауларына җаваплар таптылар. Янгын килеп чыгу очракларында үз-үзләрен ничек тоту кагыйдәләрен искә төшереп үттеләр.

Бүген балалар бакчасында ата-аналар җыелышы үткәрелде. Ата-аналарга мәктәп-балалар бакчасының таләпләре  аңлатылды, балаларның көндәлек режимнары белән таныштырылды. Интернет аша түләү, гариза бирү тәртипләрен компьютерда күрсәтеп, өйрәтелде.

Балалар жәйге хәрәкәтле уеннардан соң, өстәл уеннарын бик сагынып килгәннәр. 

Барлык укучылар да бик тырышып укырга тотындылар. Укуның  беренче көннән үк авыл китапханәсеннән әдәби китаплар алдылар.

Чакыра, тагын чакыра

Кыңгырау классларга.

Бүгеннән -белем көненнән

Уку елын башларга. 

Мәктәбебез янәдән балаларның шатлыклы авазлары белән тулды бүген. Укучыларыбыз күтәренке күңел белән яңа уку елын башлап җибәрделәр. Уңышлар телибез аларга!

Бүген балалар бакчасы да кабаттан нәниләрне үзенә җыйды. 

Исәнме мәктәп, исәнме!

Без сине сагынып бетттек.

Сентябрь ае җиткәнен

Түземсезләнеп көттек.

Башлангыч сыйныф укучылары Белем бәйрәмен түземсезләнеп көтәләр,  зур тырышлык белән шушы зур кичәгә әзерләнәләр.

Мәктәп-бакчабыз коллективы республикабыз темасына багышланган чәчәкләр күргәзмәсендә үз иҗат  җимешләре белән катнашып кайттылар.