Бәйрәмнәр якынлашканда без  иң кадерле кешеләребезгә бүләкләр ясыйбыз. Матур шигырьләр, җырлар өйрәнәбез. Барыбыз да үзенең осталыгын күрсәтергә тырыша. Безнең тырышлыгыбыз үзе иң зур бүләк!

Кыш көне бездә кышлаучы кошлар салкыннарда үзләренә азык эзли. Алар безнең якын дусларыбыз, без аларны сакларга тиеш.

Әй нәни кошчыклар,

Кечкенә чыпчыклар,

Ни салкын булып та,

Яшисез суыкта.

Дәү безнең өебез,

Әйдәгез,керегез.

Уйнарга яңадан

Бергәләп йөрербез.

Дидактик уеннар вакытында балалар үзләренең фикерләүләрен, сөйләмнәрен үстерә. Бер-берсе белән аралаша белү күнекмәсе дә үстерелә. Балаларга әхлак тәрбиясе бирелә.

Әлеге чәчәкләргә карагач ямьле җәйләр искә төшә. "Бу вакытта берсеннән берсе матур, төрлесе төрле төстәге моның кадәр чәчәкне кайдан алдылар икән?"- дип баш ватмагыз. Бакчабызда эшләүче кече тәрбияче Сәрия апабызның кул эшләнмәләре алар. Ул бакчабызны ялт иттереп җыештырырга да, буш вакытларында гаҗәеп матур чәчәкләр бәйләргә дә вакыт таба.  

"Мин үскәч мал табибы булырга телим"- ди Нурислам. Әнә ул нинди матур итеп йорт хайваннары өчен "торак" төзеп куйган. Киләчәк һөнәр өчен нигез балачактан салынса уңышлы була.

Туган илне, туган телне ярату, башка милләт вәкилләренә карата хөрмәт тәрбияләү балаларга кече яшьтән үк аңлатыла башлый. Әлеге мөһим әйберләрне аңлау, балаларда патриотлык хисләре, Ватанны ярату, башка милләттәшләребезнең тел, йолаларына ихтирам тәрбияләргә ярдәм итә.Рус теле безнең икенче туган телебез икәнлегенә төшендерә.

Балаларга көндезге йокы бик кирәк. Кече яшьтәге бала өчен бигрәк тә әһәмиятле. Тыныч уеннар уйнап, бүлмәне җилләтеп алганнан соң балалар йокыга тала. Нормаль үсеш өчен хәрәкәтле  һәм тыныч уеннарны чиратлаштырабыз, саф һавада еш булабыз. 

Әкиятләр  бер яктан тәрбияви йогынты ясаса, икенче яктан – белем бирү өлкәсе дә булып тора. Агачларны саклау, алар белән аралашу бала өчен кызыклы да, сөйләм үстерү өчен файдалы да.  Кечкенәдән үк табигатьнең кадерен белсеннәр, табигатьне яратсыннар.

Өстәл уеннары балаларның аң үсешенә нык йогынты ясый. Вак моториканы үстерү белән беррәттән, өстәл уеннары логик фикерләүне, уйлау тизлеген үстерү һәм башка шундый мөһим моментларны үстерүдә зур роль уйный. Шуңа күрә буш вакытларда балаларга өстәл уеннары тәкъдим итәбез, ә алар бик теләп шөгыльләнәләр. 

Уенның мәктәпкәчә яшьтәге баланың тормышында зур әһәмияткә ия булуын һәркем аңлый. Ул дидиактик уенмы, сюжетлы-рольлеме, хәрәкәтле уенмы, һәрберсе баланың аңын, физик һәм психик үсешен үстерүгә ярдәм итә. Уеннарны кызыклы, эчтәлекле итеп оештыру тәрбияченең һөнәри осталыгына бәйле. Уеннарны оештырганда төрле атрибутлар, маскалар, костюмнар кулланылса, балалар анда аеруча зур теләк белән катнашалар.