Быел татар халкының бөек шагыйре Габдулла Тукайның тууына 130 ел. Ничәмә-ничә буын балалары шагыйрьнең зур тәрбияви әһәмияткә ия булган әкият-шигырьләрен укып, тыңлап тәрбияләнгән. Әлеге әһәмиятле вакыйга уңаеннан безнең бакчабызда китапханә мөдире Гөлнара апабыз белән берлектә "Тукай әкиятләре буйлап сәяхәт" дигән әдәби викторина үткәрелде. Бу очрашу безнең өчен бик файдалы булды.

Бүген балалар аппликация шөгылендә ракеталар ясап ябыштырдылар. Алар ясаган ракеталар киләчәктә галәмгә юл алыр.

Бүгенге шөгыльнең максаты балаларны берничә өлештән торган предметларны әвәләргә өйрәтүне дәвам итү, уч төбендә түгәрәк әвәләү ысулларын камилләштерү, бер-берсен тоташтыру күнекмәсен ныгыту. Балалар чын күңелдән  тырышып эшлиләр.

Бакчада  балаларга төрле  һөнәр ияләре турында белем бирелә. Алар үзләренең кызыксынуларын рәсемнәрдә, конструктор җыелмаларында чагылдыралар. 

Балалар белән витаминлы яшелчәләрнең файдасы турында даими искә төшерелә. Балалар яшел суган кыягының үсешен һәрдаим күзәтеп баралар. 

Табигатьтә яз хакимлек итә. Ә без бүген язгы сынамышлар белән кызыксындык .  

Ала карга агач бантына кунса, яз тиз, җиңел килер, җиргә кунса - озак килер.

Апрель аенда торна кычкырса, ел яхшы килә.

Яз көне агачлар бөреләрен астан яра башласалар, яз тиз килә.

Зирек агачы башлап яфрак ярса, җәй яңгырлы һәм җылы була, ә каен агачы башлап ярса, җәй корылыклы була.

1 апрель - кошлар көне. 

Кошлар- табигать күрке. Аларның матурлыгын күреп, тылсымлы җырларын тыңлап, күңел сафлана; алар табигатькә , безнең күңелләргә ямь өстиләр. Ә китергән файдалары сөйләп бетергесез. Шуңа күрә без кошларны яратабыз, саклыйбыз, алар турында кайгыртабыз.

1 апрель - көлке  көне. 

4 нче мартта әти-әниләр катнашында "Гаилә бәйрәме" үткәрдек. Барыбызның да әти-әниләре килде, алар безнең белән төрле уеннарда катнаштылар. Ә без әти-әниләребезгә үзебез өйрәнгән җыр-биюләрне, үз кулларыбыз белән ясаган кул эшләнмәләребезне бүләк иттек. Бәйрәм бик күңелле үтте!

Бала кече яшьтән үк үз-үзенә хезмәт күрсәтә белергә өйрәнергә тиеш. Мөчтәкыйль рәвештә киенеп чишенү, юеш киемнәрен кибәргә кую һәм башка  гади генә күнекмәлрне үтәү баланың гадәтенә керә, киләчәктә пөхтәлек, төгәллек кебек бик кирәкле сыйфатлар тәрбияләргә ярдәм итә.