Төрле матур төсләр белән буялган уен мәйданчыгы үзенең нәни хуҗаларын каршылады. Балалар да озын җәйге яллардан соң мәйданчыктагы корылмаларны тансыклап килгәннәр, әле бер, әле икенче корылмада һәркем үз көчен сынарга ашыкты. Балаларның сәламәт, актив булулары без бакча хезмәткәрләре өчен зур шатлык!

Сагынып көткән сентябрь дә җитте. Бу көнне бакчабызның барлык хезмәткәрләре, әти-әниләр һәм әлбәттә бакчабызга йөрүче балалар түземсезлек белән көтеп алды. Чөнки капиталь төзекләндерүдән соң бакчабыз тагын да матурланып, ямьләнеп китте, ә иң мөһиме-заман таләпләренә туры килерлек итеп төзекләндерелде. Әлеге үзгәрешләргә барыбыз да бик шат! Төзүчеләргә, җитәкчеләребезгә, бакчабызның барлык хезмәткәрләренә,бик зур рәхмәт! Бакчабыз һәрвакыт балалар белән тулы булсын, аларның шат авазыннан гөрләп торсын!

Уку елының соңгы көннәре дә җитте.Без бүген шатлыклы да бераз моңсу да бәйрәмгә җыелдык.Бакчабызга 4 елбуе йөреп тәрбияче апаларының ярдәмчесенә ,үзеннән кечерәкләргә якын дуска әйләнгән Маулиев Сәйдәшне без бүген мәктәпкә укырга озаттык.Бәйрәмгә рус халык әкияте"Колобок"ны сәхнәләштердек.Соңыннан әкият геройлары Сәйдәшкә төрле биремнәр биреп аның белемен тикшерделәр.Ә Сәйдәш сынатмады ,барлык сорауларга да дөрес җавап бирде.Аңа киләчәктә дә зирәклек ,тапкырлык,тырышлык телибез .Хәерле юл сиңа Сәйдәш! 

Алда балаларны җәйге ял көтә. Тәрбияче апалары белән дә аерылышыр вакыт якынлаша. Җәйге ялларын күңелле дә, хәвеф -хәтәрсез дә һәм сау-сәламәт килеш үткәрү өчен апалары файдалы киңәшләрен балаларга гел җиткереп, искәртеп  торалар.

Иске Ашыт төп гомуми белем мәктәбендә бүген 9 сыйныф укучыларының соңгы кыңгырау бәйрәме булды. Бакча балалары да әлеге бәйрәмдә катнаштылар.

Табигатьнең иң матур чагы. Балалар чәчәкләр белән бизәлгән яшел чирәмдә рәхәтләнеп уйнадылар. Алар табигатьнең матурлыгын чын күңелдән тойдылар.

Балалар әкиятләрне бик яраталар. Сөйләм телен үстерү өчен, алар  аны рус телендә дә өйрәнәләр.  Бүген рус халкының "Йомры икмәк"  әкиятен  сәхнәләштерделәр.

Көннән-көн яшәреп, шау чәчәккә күмелеп барган табигатькә карагач күңел күтәрелә. Тирә-якка баш әйләндергеч хуш ис таратып утырган шомыртларга алмашка алма-чия агачлары кушылды. Алардан ярыша-ярыша бал җыючы тырыш умарта кортларын күзәтеп "Менә кемнәрдән үрнәк алырга кирәк икән бу тормышта"- дип сокланып та, бераз көнләшеп тә уйлап куясың.

Май ае салкын булса-игенгә туклык

Май алтысында чык булса,ул ел кыярга тук

Майнын янгырлы булуы-иген печәнгә файда,жимешкә зыян

9 май- Бөек Җиңү Көне!!!