Ял сәгатьләрендә без төрлечә күңел ачабыз.Җырлы-биюле уеннарның да ниндиләре генә юк бит! Бүген дә без "Яңгыр" җырлы-биюле уенын уйнап күңел ачтык.

Группада дежур тору-балаларда беренче хезмәт күнекмәләрен булдырырга, хезмәткә уңай мөнәсәбәт һәм җаваплылык хисе тәрбияләргә ярдәм итә.Балалар шулай ук тәрбияче ярдәмчесенең хезмәтен хөрмәтләргә,иптәшләренә ярдәмчел булырга да өйрәнәләр.

Безнең бурыч балаларны рус һәм татар халкының мәдәниты милли мирасы белән дә таныштырып бару.Әлеге бурычны тормышка ашыру максатыннан ,рәсем эшчәнлегендә балаларга борынгы рус халык осталары кулы белән ясалган  сыбызгы үрдәкне рәсемдә сурәтләргә тәкъдим ителде.Балалар халык уенчыгын зур кызыксыну белән сурәтләп ясадылар һәм бик матур нәтиҗәләргә ирештеләр.

Дидактик уеннарны балалар ял вакытларында даими уйныйлар.Шулар арасында мозаика белән төрле сурәтләр ясау бала өчен аеруча кызыклы һәм файдалы.Чөнки мозаика белән эш итү баланың һәрьяклап үсешен  тәэмин итәргә этәргеч ясый.Фантазия,иҗадилыкны гына үстереп калдырмый ә бармакларны ручка карандаш тотарга да әзерли.

Табигатькөз хакимлек итүен дәвам итә. Без һәрбер эшчәнлектә елның әлеге фасылы турында нинди дә булса яңалык беләбез.Бүген чираттагы яңалыкны рус теле эшчәнлегендә белдек.Көз турында русча сүзләр, уеннар,шигырьләр өйрәндек.Киләсе эшчәнлегебездә әле хикәя дә төзеп сөйләргә өйрәнербез.Шуңа да без рус теле эшчәнлекләрен көтеп алабыз.

Бүген бакчабызда бәйрәм-Илзирә белән Раязның туган көннәре.Илзирәгә 5 әРаязга 7 яшь тулды.Без аларны туган көннәре белән тәбрик итәбез,сәламәтлек бәхет шатлык- балачак елларының күңелле үтүен телибез.Туган көн бәйрәмендә "Ак калач" уенын уйнадыкә алар безгә туган көн күчтәнәчләрен өләштеләр.

Чәчәклектәге чәчәкләрне җыйнап бетергәннән соң,җирне казып киләсе ел өчен чәчәк суганчалары утырттык.Бакчабыз иртә яздан көзгә кадәр чәчәкләр арасында утырсын әле.

Шөгыльләрдән бушаган арада балалар дидактик уеннар уйнарга яраталар.Фикерләү сәләтен үстерү,вак моторика күнекмәлрен ныгыту,игътибарлылык кебек мөһим сыйфатларны үстерергә ярдәм итә ул дидактик уеннар.

Кисеп ябыштыру эшчәнлегендә без бүген көзге яфракларны кисеп ябыштырдык.Чын яфраклар диярсең инде үзләрен табигый яфраклардан һич тә аерылмыйлар.Әти-әниләребез күреп шаклар катсыннар әле,безнең осталыкка.