8 нче декабрьдә районыбызда үткәрелгән "Голосок" конкурсында безнең бакчабыздан да 5 яшьлек Раяз Әхмәтов катнашты. Бу-Раязның "Җиңүгә омтылыш" номинациясендә тәүге җиңүе. Кем белә? Бәлки әле киләчәктә тагын да зуррак җиңүләргә дә ирешергә насыйп булыр. Бүгенгә ул булганына кәнәгать. Әлеге кечкенә генә җиңүе аның алдагы уңышларына этәргеч булып торсын. Ә безгә исә, Афәрин Раяз! Алга! дияргә генә кала. Уңышлар сиңа!

Саф һавада хәрәкәтле уеннар уйнау балалар сәламәтлегенә уңай йогынты ясый.  Ә саф һавада, уен мәйданчыгында балаларның нинди дә булса хезмәт белән шөгылләнүләре, сәламәтлек өчен дә файдалы, беренче хезмәт күнекмәләре алуга да этәргеч булып тора. Иң мөһиме-өлкәннәр хезмәтенә хөрмәт тәрбияли.  

Кышның беренче сыны - Кар бабай. Балалар бу кышны һәрвакыттагыча кар бабай ясау белән башлап җибәрделәр.

Тәгәрәтеп ак карны,

Ясадык кар бабайны.

Куйдык кишердән борын,

Ясадык ике кулын.

Күзләре – кара күмер.

Дидек: “Син урам себер!”

Зур себерке тоттырдык,

Көлешеп карап тордык.

Бүген кышның беренче көне. Без кышны зарыгып көттек. Ак йомшак карлар яуса, Кыш бабай безгә биек таулар ясап куйса, без рәхәтләнеп уйнарбыз әле. Ә бүгенгә рәсемнәрдә матурлап буяп куябыз.

Балалар бакчасында төп бурыч булып балаларның акыл үсеше һәм сөйләм телен үстерү тора. Бармак уеннары баланың акыл, фикер эшчәнлеген үстерүдә, дөньяны танып белергә өйрәтүдә зур тәрбия чыганагы, чөнки әлеге уеннар аша бала әхлакый - этик кагыйдәләр белән дә таныша башлый. 

     Кадерле әниләребезне бәйрәм белән котлыйбыз!!! Аларның йөзләре һәрвакыт балкып торсын!  

Бүген тантана –

Әни бәйрәме.

Бүләк итәрмен

Чәчәк бәйләме.

Ничек табарга

Кайда чәчәк бар?

Кая карама –

Капланган ак кар.

Әнигә шигырь

Бирдем бүләккә.

“Гомергә, – ди ул, –

Калыр йөрәктә”.

Салкыннар башлангач, кошлар да җылы якка китте. Ә безнең әйләнә-тирәбездә кышлаучы кошлар калды. Аларга азык табу кыенлаша. Без аларга җимлек ясап элдек һәм анда җимнәр салып торабыз. Канатлы дусларыбызга шулай ярдәм итәбез.

Әниләр безнең иң кадерле, газиз кешеләребез. Тиздән бәйрәм ителәчәк әниләр көне уңаеннан без әниләребезгә бүләк ясап, аларны сөендерергә уйладык. Тик сезнең өчен, нәни кулларыбыз белән бөтен тырышлыгыбызны куеп, нәни йөрәк җылыбызны биреп эшләгән кул эшләнмәләребезне рәхим итеп кабул итегез кадерлеләребез! БӘЙРӘМ БЕЛӘН БАРЫГЫЗНЫ ДА! 

        Бугенге кәннен ин актуаль темасы - террорчылыктыр могаен.Чонки телетапшырулар, матбугат чаралары бу теманы һәрдаим  яктыртып тора. Безен бакчабызда да балалар белән  бу темага әнгәмәләр,анлату эшләре алып барыла.Балаларга саклану чаралары  турында беренче белемнәр бирелә.

Быелгы көз үзенчәлекле булды.Ул безне җәйдәгедәй матур көннәре белән дә, җаннарны тынычландыра торган пыскак яңгырлары һәм менә беренче йомшак кары белән дә сөендерергә өлгерде. Беренче карны зарыгып көтүчеләр, аңа чын күңелдән сөенүчеләр кемнәр  дисезме? Әлбәттә инде - безнең яраткан сабыйларыбыз! Беренче кар кебек керсез күңелләре белән кыштан ниндидер маҗара, могҗиза көтә бит алар! Әйе, балаларыбызның болай сөенеп кышны көтүе юкка түгел бугай, беренче кар белән Кыш бабай безгә Яңа елны алып килә бит.Шулай булгач безгә "Төкле аягың белән Аксакал Кыш!" - дияргә генә кала.