Бүген Арчаның 5 номерлы гимназиясендә "Куркынычсыз тәгәрмәч - 2016" ярышы үткәрелде. Безнең мәктәптән дә Шакирова Алинә, Хөсәенов Илназ, Сабирова Сара, Гилязутдинов Рәсим әлеге ярышта катнаштылар. Укучылар 5 төр буенча көч сынаштылар. Уеннар укучыларга бик ошады.

Тирә-юньне җыештырулар дәвам итә. Бүген без дә мәктәп тирәсен кипкән яфраклардан, чүп-чардан арындыру максатыннан өмәгә чыктык. Барлык укучылар да зур көч куеп тырышып эшләделәр. Мәктәп яны, юл кырыйлары хәзер ялт итеп тора.

26 апрель- Бөек шагыйребез Габдулла Тукайның туган көне. Бүген мәктәбебездә сөекле шагыйребезгә 130 яшь тулу уңаеннан бәйрәм кичәсе үткәрелде. Укучылар бик матур итеп шигырьләр сөйләделәр, Тукайның тормыш юлына багышланган видеоролик карадылар. Мәктәбебез укучылары куйган "Шүрәлене күр әле"спектакле район күләмендә җиңү яулады. Алар дипломга лаек булдылар. Катнашкан укучыларга кечкенә генә бүләкләр тапшырылды. Кичә "Туган тел" җырын күмәк җырлау белән тәмамланды.

Бүген 7 класс укучылары белән һәйкәл янын җыештыру эше оештырылды. Укучылар сугышта һәлак  булган авылдашларыбыз истәлегенә куелган һәйкәл  тирәсен тәртипкә китерделәр,  аны 9  Май бәйрәме уздыру  өчен әзерләп куйдылар. 

 Бүген  "Оста куллар"  түгәрәгендә шөгыльләнүче укучыларның эшләнмәләре белән Хәбибуллина Гөлназ Галимҗан кызы Бөтенроссия күләмендә үткәрелә торган "Библиосумерки 2016" акциясендә актив катнашты. 

Мәктәбебездә Тукай көннәре дәвам итә. Бүген китапханәче Ахметзянова Г.Х. 1- 4 класс укучылары өчен "Тукай безнең күңелләрдә" кичәсе оештырды. Укучылар бөек шагыйребезнең тормыш юлы һәм аның иҗаты буенча сәяхәт иттеләр, шигырьләрен сөйләделәр, җырларын тынладылар.

 рхәанда Сулыкларны саклау елы у,  бүген мәктәбебездә – “Чиста планета” акциясе үткәрелде. 8 класс укучылары Иске Кырлай авылының төп чишмәсе янын, яр буйларын чүп-чардан арындырып, чистартып кайттылар. Әлеге акциядә һәр укучы үзеннән зур өлеш кертергә тырышты.

Мәктәбебездә “Габдулла Тукай көннәре” дәвам итә. Әдипнең тормыш юлын һәм иҗатын пропогандалау максатыннан, “Тукайлы балачак” исеме астында бердәм дәрес үткәрелде. Барлык класс укучылары  катнашындагы дәрестә   һәркем   актив булды, бөек шагыйребез  иҗатына карата үз фикерләрен белдерделәр, сәнгатьле итеп шигырьләрен укыдылар. Үзенчәлекле дәрес ахырында  өйгә эш тә бирелде. 

В рамкаха добровольческой акции "Добрый Татарстан",   19 апреля - День Доброго кино" в школе организовали просмотр документалного фильма.