16 апрельдән бөтен республикада “Добрый Татарстан –Мәрхәмәтле Татарстан” акциясе старт алды. Әлеге акциягә без дә теләп кушылдык. Линейкада әлеге акция, аның максат-бурычлары, "Спортлы Татарстан" акциясенең үкәрү планы белән таныштырылды. Бүген без "Добрый Татарстан - Мәрхәмәтле Татарстан" акциясе буенча акциясенә кушылып, "Мәрхәмәтле  булыйк" темасына тәрбия сәгатьләре үткәрдек. 

Тирә-юньне чистарту икеайлыгы дәвам итә. Шул сәбәпле без дә бүген мәктәп тирәсен чистарту өчен өмәгә чыктык. 8 класс егетләре карлар тараттылар, кызлар мәктәп янын чүп-чардан чистарттылар. Алга таба да өмәләр әле дәвам итәчәк.

Беренче шатлык: мәктәбебезнең 8 нче класс укучылары Габдулла Тукайның мирасын өйрәнүгә багышланган “ Без – Тукайлы халык”  V Республикакүләм  Габдулла Тукай укуларының Тукай әсәрләрен сәхнәләштерүдә “ Тукай оныклары” номинациясенә лаек булдылар.

Икенчесе- V Республикакүләм  Габдулла Тукай укуларында мәктәбебезне тәмамлап, канат ярган кошчыкларыбыз  очрату.  Алар - Казан мәктәбендә  эшләүче татар теле һәм әдәбияты укытучылары Хисматуллина Алинә белән Нәфикова Алия. Үзләренең   рус телле укучылары  белән төрле номинациядә  җиңү яулаганнар. Бу – алар өчен дә, безнең өчен зур шатлык. Кызларыбызга  иҗади уңышлар теләп калабыз.

"Балалар китабы” көне Г.Тукайның тууына 130 еллык юилейга багышланып үткәрелде. “Г. Тукай әсәрләрен таны” интеллектуаль уены, викторина сорауларына җавап табу – барысы да укучыларның белемен арттыру өчен оештырылды. Кичәне  мәктәп китапханәчесе Ахметзянова Гөлшат Хатибовна әзерләде һәм алып барды.

Сингапур методикасы кулланып дәресләр үткәрү укыту системасында көннән-көн ныграк колач ала. Бу методика укучыларга да бик ошый. Рус теле укытучысы Фазлыева И.В. Сингапур методларын имтиханнарга әзерләнгәндә дә куллану бик отышлы дип саный.

Г. Тукайның тууына 130 еллык уңаеннан китапханәдә "Тукай - безнең күңелләрдә" стенды янартылды. Укучылар анда Тукайның тормыш юлы, аның шигырьләре белән таныша алалар.

Язгы мәрхәмәтлек атнасы кысаларында бүген укучылар җылы яктан кайтучы кошлар - сыерчыклар өчен оялар ясап алып килделәр. Әлеге оялар мәктәп янындагы агачларга эленде. Кадерле кунаклар өчен өйләр әзер.

Бүген Республика антинаркотик  "Самостоятельные дети" проекты буенча "Будь готов! Скажи нет!" акциясе уздырылды.  Әлеге оешмага йөрүче укучылар наркотикның кеше сәламәтлегенә ясаган зыяны турында сөйләделәр, "Син Законны беләсенме?" -темасына викторина уздырдылар. Наркотикларны саклаган, саткан, кулланырга уйлаган, аны яшерен рәвештә җитештергән һәркем җинаятьче дип аталачак һәм аларга җәза бирелүе хакында хәбәр иттеләр.

Татар халкының бөек шагыйре Г. Тукайның 130 еллыгына багышланган эшләр план буенча бара. 1-4 класс укучылары арасында "Мин Тукайга киләм" исеме астында рәсем конкурсы үздырылды. Иң оста рәсем ясаучылар бүләкләнде. 

Бу атна "Язгы мәрхәмәтлек атнасы" дип игълан ителде. Шул сәбәпле ялгыз яшәүче әби-бабайларга  тимурчылар җибәрелде. 5-8 класс укучыларының һәрберсенең үзенә беркетелгән өлкән кешесенең хәлен белеп, тиешле ярдәм күрсәттеләр.