Бүген лагерьга йөрүче балалар концерт оештырдылар. Әле алар фокус уеннары да күрсәттеләр. Һәркем көченнән килгәнчә катнашты.

Бүген бездә спорт уенының бер төре булган - роликларда йөрү көне булды. Әй кызык та булды соң! Бер кеше дә "йөрмим" димәде. Хәтта әле оста йөрүчеләр өчен ярыш та оештырылды. 

Бүген авылыбыз китапханәчесе Хамзина Венера апай безгә күңелле җәйге китап укулар оештырды. Ничек дисезме? Ул үзе безгә яңа чыккан кызыклы китапларын күрсәтергә алып килде. һәм без бөтенебез дә аларны укыдык. һәркем берәр өлешен укыды. Калган өлешен инде китапханәнең үзенә барып, китапны алырга һәм укырга кирәк булачак. Әлбәттә, без аларны укып чыгачакбыз. Җәйләр озын бит әле...

Мәктәбебезнең территориясендә каен җиләге өлгергән. Лагерьда ял итүче укучылар көне буе җиләк җыю һәм сыйлану белән мәшгуль булдылар. Җәй көне Җир анабыз безгә бик күп нигъмәтләр ашата шул.

Лагерьда ял итүче укучылар көннәрен файдалы итеп үткәрәләр. Алар мәктәп яны территориясендә витаминлы һәм дәвага яраклы үләннәрне танырга өйрәнәләр. Мәктәпләргә җиткерелгән задание буенча дару үләннәрне җыюда актив катнашалар. Июнь аенда чәчәк атучы шифалы үсемлекләрне җыеп, гербарий ясыйлар.

12 июнь - Россия көне уңаеннан, лагерьда ике команданың дусларча очрашуы оештырылды. Командалар зур көч куеп, кызыклы уен күрсәттеләр. Әмма, спортта көчлеләр җиңә шул. Исәп 10:4.

Бүген безнең лагерьда интеллектуаль уен "Йолдыз сәгате" уены уздырылды. Уен барышында балалар үзләренең белемнәрен төрле өлкәдә: хайваннар, кошлар, әкиятләр, тормыш очраклары хакында сынадылар. Уен киеренке рухта узды. Җиңүче булып - Хөсәенов Илназ калды. Молодец, Илназ, сиңа алга таба да уңышлар!

Балачак әкиятсез була алмый. Бүгенге көнне без әкиятләргә багышладык. Балаларга таныш булган әкиятләр турында викторина сорауларына җаваплар таптык һәм төрле дәрәҗәдәге диплом һәм грамоталарга ия булдык. Әкиятләр мәңге яшәсен!

Бүген лагерьда юл хәрәкәте кагыйдәләрен өйрәнү максатыннан, "Юлда йөри беләсеңме?" дип исемләнгән уен-бәйге оештырылды. Балалар үз белемнәрен күрсәттеләр, ахырдан теләгән юл билгесен рәсемгә төшерделеәр.

1 нче июньнән мәктәбебездә җәйге ял һәм сәламәтләндерү лагеры эшли башлады. 14 укучы әлеге лагерьда ял итә. Аларны төрледән-төрле чаралар, мавыктыргыч эшләр көтә.