Бүген мәктәптә татар теленнән 4, 6, 8 нче класс укучылары белән оф-лайн режимда диагностик мониторинг үткәрелде. Укучылар үзләренең белемнәрен күрсәттеләр. 

26 нчы октябрь көнне Арчаның 1 нче номерлы мәктәбендә "Интернет - учителям"  программасы буенча мастер-класс үткәрелде. Мәктәбебездән биология укытучысы Гилязиева Г.Р. катнашты. Спикер Данил Сәфәров интернет тормышының бөтен нечкәлекләрен гади, аңлаешлы итеп сөйләде. Мәгариф журналыннан килгән кунаклар да, мәгариф сайтында үз битеңне булдыру системасын аңлаттылар. Ахырдан, мастер - класста булган бөтен катнашучылар сертификат һәм "Мәгариф" журналының истәлекле бүләкләре белән бүләкләнделәр. Истәлеккә карточкага төштеләр.

Мәктәптә шаулап-гөрләп "Көзге бал" кичәсе узды. Һәр укучы, һәр класс тырышып-тырышып әлеге кичәгә әзерләнде. Монда укучылар үзләренең көчләрен көзге уңыштан композицияләр ясау буенча да, концерт номерлары буенча да, җитезлек буенча да көч сынаштылар. Нәтиҗә куанычлы: дуслык җиңде!!!

5 нче классларда үткәрелгән тәрбия сәгате "Наркомания - үлем юлы" дип аталды. Аның максаты: укучыларда начар гадәтләрдән саклану һәм каршы торучанлык сыйфатлары тәрбияләү, аларда сәламәт яшәү рәвеше формалаштыру иде.

Бүген укытучылар коллективы Казанга Г.Камал исемендәге театрга И.Зәйниевнең "Мәхәббәт FM" исемле спектаклен карарга бардык. Әлеге сәяхәт безнең күңелдә күңелле мизгелләр калдырды.

15 октябрь - халкыбызның катлаулы тарихында коточкыч көннәрнең берсе. Менә ничә ел рәттән җөмһүриятебездә Хәтер көне уздырыла. Әйе, 15 октябрь - 1552 елда явыз Иван гаскәре явыннан Казанны саклаганда һәлак булган бабаларыбызны искә алу көне, аяусыз сугышта шәһти киткәннәрнең якты рухлары алдында баш ию көне. Шул уңайдан 5 нче класста тәрбия сәгате уздырылды.

Бүген Иске Кырлай төп гомуми белем мәктәбенең башлангыч классларында "Урманнарны саклыйк!" дигән тәрбия сәгате үткәрелде. Тәрбия сәгатенең максаты укучыларга Россия дәүләтенең урманнарга иң бай ил булуын аңлату. Ләкин соңгы елларда урманнарда агачлар бетә башлау сәбәпле,  бу экологик катастрофага китерүен төшендерү.

Мәктәбебездә дәресләрдән соң төрле юнәлештәге түгәрәкләр эшчәнлек алып бара. "Оста куллар" декоратив- гамәли сәнгать түгәрәгенә йөрүче укучылар төрле дәрәҗәдәге республикакүләм һәм районкүләм конкурсларда һәрдаим катнашалар. Октябрь аенда "Көзге муллык" темасы астында эш алып барыла. Алар бөртекле ашлык культураларыннан районыбыз Гербын эшлиләр.

7 октябрь көнне 7 класс укучылары җәмгыять белеме уктучысы Хәбибуллина Г.Г. белән берлектә, Финанс грамоталылыгы онлайн-дәресләре кысаларында үткәрелгән "Биржа һәм инвестицияләү нигезләре" темасына онлайн-дәрестә катнаштылар. Дәрестән соң оештырылган бу чарада укучылар үзләре өчен бик күп кызыклы мәгълүмат алдылар. Әлеге дәресләр 2016 елның 15 декабренә кадәр дәвам итәчәк.

Бүген мәктәптә 5 нче класс укучылары белән анкета эше уздырылды.