Бүген мәктәптә терроризмга каршы көрәштә бердәмлек көне кысаларында "Ак торналар" ясау акциясе булып узды. 1-9 класслардан  41укучы кәгазьдән 333  ак торна ясады. Дөньялар тыныч, имин булсын иде!

Бүген  терроризмга каршы көрәштә бердәмлек көне  уздырылды. Мәктәп күләмендә укучылар Беслан фаҗигасе турында сөйләшүгә җыелдылар. Ахырдан Беслан документаль хроникасын карау булды.

Мәктәбебездә 15.08-09.09 көннәрендә "Балалар куркынычсызлыгы айлыгы" , ә 01.09-30.09 көннәрендә "Экстремизмга каршы көрәш айлыгы" башланып китте. Шул уңайдан мәктәптә төрле чаралар планлаштырылды һәм класс җитәкчеләре, укытучылар коллективы әлеге план нигезендә эш алып баралар. Шул уңайдан бүген Тынычлык дәресе "Дөньялар имин булсын!" исеме белән класс сәгатьләре уздырылды. 

Бүген - 1 сентябрь Белем бәйрәме. Быел 1 нче класска 4 укучы укырга керә. Әлеге бәйрәмне иң түземсезләнеп көтүчеләр дә алар булгандыр. Бәйрәмгә 9 нчы класс укучылары монтаж әзерләделәр. 1 нче класска керүчеләр дә шигырьләр сөйләде. Бәйрәмдә "Кырлай" агрофирмасыннан вәкил, Мөндеш авылы эшмәкәре һәм авыл җирлегеннән вәкилләр катнашты. Алар укучыларны бүләкләр белән сөендерделәр. Киләсе уку елында барыбызга да зур уңышлар юлдаш булсын!

Арчаның Җиңү паркында оештырылган "Чәчәк күргәзмәсе"ндә безнең мәктәп укытучылары да актив катнашты. Әлеге күргәзмәгә бөек шагыйребез Г.Тукайның 130 еллыгын бәйләп ясалган композиция күпләрне сокландырды. Чәчәкләрдән эшләнгәнТатарстан һәм Арча Гербы шулай ук күргәзмәне бизәде. 

Бүген Арча шәһәренең Эссен кибете каршындагы мәйданчыкта иртә таңнан ыгы-зыгы башланды. Мәктәпләрнең үз тәҗрибә участокларында үстерелгән уңышларыннан ярминкәгә килүчеләр иде алар. Безнең мәктәп тә ярминкәгә мул итеп әзерләнде. Әти-әниләр, укучылар һәм укытучыларның тырыш хезмәте нәтиҗәсе шуш ярминкәдә күренде. һәркайсыгызга хезмәтегез өчен рәхмәт!

2013 нче елдан Татарстанда республикабыз Президенты Рөстәм Миңнеханов инициативасы белән “Үз мәктәбеңә булыш” дигән акция дәвам итә.Әлеге акция җитәкчеләрне, эшмәкәрләрне һәм теләге булган һәркемне үзләре белем алган мәктәпләргә матди ярдәм күрсәтүгә тартуга юнәлдерелгән. Мәктәбебездә белем алган җитәкчеләрне бу акциядән читтә калмаска чакырабыз.

Җәй айлары узып бара. Менә укытучыларның традицион август киңәшмәләре башланды.  Фән укытучылары үзләренең секция эшендә катнашып, яңа уку елына планнар коралар. Аларга киләсе уку елында уңышлар телибез.

Ниһаять, лагерьның соңгы көне дә җитте. Санаулы көннәр бик тиз уза шул. Ә иң соңгы көнне сабантуй үткәрү - ул лагерь өчен гадәткә әверелде. Тагын бер мәртәбә сабантуй уеннарында уйнап, үз көчеңне сынап карарга җай чыкты. Һәр бала бөтен төр уеннарда ихластан уйнады. Күңел ачты, сөенде. Хуш, лагерь! Киләсе елга кадәр!

Лагерьның чираттагы көне "Әдәплелек сәгате" дип атала иде. Балалар өстәл артында үз-үзеңне тоту кагыйдәләре турында сөйләштеләр. Ахырдан үзләренең үзләштерелгән белемнәрен өстәл артында кулланып күрсәттеләр.