23 май көнне мәктәбебезнең 12 чыгарылыш класс укучысы өчен соңгы  тапкыр кыңгырау чыңлады... Шушы дулкынландыргыч, истәлекле көнне "тере" коридор аша укучыларның алкышлары астында мәдәният йортында узачак кичәгә төшкәндә һәр укучы зур горурлык хисе белән атлады.   Мәдәният йортында искиткеч матур итеп бизәлгән залда чыгарылыш класс укучыларының "Кыңгыраулы мәктәп еллары" дип исемләнгән   күп серияле фильмы тәкъдим ителде. Фильмда  күрсәтелгән мәктәп елларының иң беренче мәктәпкә аяк баскан көннән алып 11 ел буе булган вакыйгалар, кызыклы мизгелләр белән тулы кадрлар, видеороликлар залда утырган беркемне дә битараф калдырмады. Ә укучыларның матур җырлары, эчкерсез теләкләре, яраткан укытучыларына һәм әти-әниләренә  хөрмәт сүзләре, саубуллашу вальсы  күңелләрнең иң нечкә кылларын тибрәтте, йөрәкләрнең иң түренә кереп урнашты. Төп рольләрне башкаручы укучылар , фильмның режиссеры Хадиева Рузилә Рафиковна иң зур мактауга лаек иде бу көнне. Укучыларның алда торган  имтиханнарын уңышлы тапшыруларын, үзләренең барлык өмет-хыяллары чынга ашуын чын күңелдән телибез.

В целях повышения престижа рабочих профессий, привлечения молодежи в производственные секторы экономики, а также совершенствования стандартов по рабочим профессиям и специальностям профессионального образования МО и Н РТ организует ярмарку профессий. Учащиеся 10 класса нашей школы совершили экскурсию  на чемпионат по профессиональному мастерству WordSkills Russia 2015 .

Чемпионат вызвал огромный интерес, было очень интересно и увлекательно. 

Сегодня учащиеся нашей школе приняли участие в соревновании по минифутболу. Поздравляем их достойным 2-местом и выходом в финал, который пройдет в г. Арск

         Бүген мәктәбебезнең чираттагы бәхетле укучылары-1 кл, 4 кл һәм 7 кл  укучылары Кидспейста кунакта булдылар. Һөнәрләр шәһәре үзенең мавыктыргыч мастер-класслары, кызыклы уеннары, искиткеч флеш-моблары, мөлаем апа-абыйлары белән балаларны үз дөньясында 3 сәгать  дәвамында сәяхәт иттерде. Укучыларның балкып торган йөзләре, янып торган күзләре шәһәрчекнең  аларга никадәр охшаганын сүзләрсез дә ачык дәлилли иде...

15 май көнне мәктәбебезнең башлангыч класс укучыларының ата-аналар җыелышы булды. Җыелышка участок инспекторы Хисамиев Л.А. чакырылды. Ул җәйге каникул чорында балаларның иминлеген саклау турында чыгыш ясады. Әти-әниләрнең күп санлы сорауларына җавап бирде. Әти-әниләргә лагерь эшчәнлеге турында мәгълүмат бирелде, балаларны йөртү соралды. Җыелышның икенче өлеше классларда дәвам ителде. Төп көчне уку елын уңышлы тәмамлауга багышларга!

Сегодня учащиеся нашей школы приняли участие в соревновании по легкой атлетике, проводившийся на стадионе ДЮСШ "Арча"

Мәктәбебез укучылары Казан Арена стадионында урнашкан КидСпейс балалар шәһәрчегендә 3 сәгатьлек сәяхәт кылды. Әлеге үзәк балаларны мөстәкыйльлеккә өйрәтә, үзләренә ышаныч уята. Балалар рәхәтләнеп ял итте, үзләрен төрле һөнәрдә сынады.

Бөек  Җиңүнең 70 еллыгына багышланган митингта 2 класс укучылары үзләренең эчтәлекле чыгышлары белән кунакларны сөендерде. Бәйрәмнең 2 нче өлешендә башлангыч класс укучылары әзерлегендә зур концерт булды. Укучылар хәтерендә әлеге бәйрәм озак сакланыр.

Шекә авылында зур вакыйга - обелиск ачу тантанасы булды. Сугыш һәм тыл ветераннары, район башлыгы  Нуриев Илшат Габделфәртович, авыл халкы, килгән кунаклар белән берлектә тантаналы рәвештә һәйкәл ачылды. Шекә авылыннан сугышта 94 кеше  ятып кала, бары тик 68 енә генә туган ягыбызга әйләнеп кайтырга насыйп булган.Һәрбер буын  үзенең тарихын белергә тиеш!

       Бүген Шушмабаш мәктәбенең барлык укучылары һәм укытучылары матур шарлар, чәчәкләр тотып, лозунг-транспорантлар күтәреп авылыбыз урамнары буйлап марш атлап үттеләр. Авылыбызның олысы-кечесе капка төпләренә чыгып укучыларыбызның ялкынлы патриотик җырларын яратып тыңладылар, үзләренең яшь вакытларын искә төшергәннәре өчен  , укучыларга һәм укытучыларга олы рәхмәт хисләрен җиткерделәр. Бөек Җиңүнең 70 еллыгына багышланган тантана мәдәният йорты каршында Җиңү һәйкәле янында дәвам итте. 50 укучы катнашындагы хор, кечкенә Зәлиянең хорга кушылып сокландыргыч итеп җырлавы, 2 класс укучыларның   шигырьләрне һәм җырларны шундый оста итеп башкаруы, мәктәбебез горурлыгы булган укучыларыбызның хәрби марш атлап үтүләре беркемне дә битараф калдырмады.Ә аннары бәйрәм рухы мәдәният йорты эчендә дәвам итте. Биредә театр түгәрәгенә йөрүче укучыларның "Көтеп узган гомер" дип исемләнгән сугыш вакыйгаларын сурәтләгән спектакле, башлангыч класс укучыларының  зур концерт программасы тәкъдим ителде. Шулай ук Шушмабаш авылының электрон хәтер китабын тәкъдим итү булды. Ветераннарыбыз укучыларыбызга һәм мәктәп коллективына тирән , эчкерсез рәхмәтләрен әйтеп иң изге теләкләрен теләделәр. Бәйрәмнең 3нче өлеше мәдәният йорты фойесында дәвам итте. Биредә мул табыннар артында әби-бабайларыбыз үзләренең хатирәләре белән уртаклаштылар,   күңел түрендә йөрткән хисләрен шигырьләр аша җиткерделәр.Киләсе Җиңү бәйрәмнәрен  дә тулы залларда , тыныч тормышта ак яулыклы әбиләребез һәм бабайларыбыз белән каршыларга язсын иде!