www.gto.ru сайтында укытучылар теркәлү узды. Алда, ГТО нормаларын уңышлы узу өчен, әзерлек эшләре тора.

          Мәктәбебездә Әхмәдиев М.Г. җитәкчелегендә көрәш түгәрәге нәтиҗәле эшләп килә. Җиңүләре дә күп. 2 нче декабрь көнне "Игенче" хуҗалыгы призына милли көрәш буенча ачык район беренчелеге узды. Бик күп катнашучылар арасыннан  7 нче класс укучысы Сафин И.Я. икенче урынга лаек булды. 

          1 декабрь  - Халыкара СПИДка каршы көрәш көне. Мәктәбебезнең “Самостоятельные дети” проекты укучылары Сикертән авылында чираттагы акцияне уздырдылар. Сәламәт яшәү рәвеше, СПИД, ВИЧ- инфекция турында буклетлар тараттылар, авыруның килеп чыгу сәбәпләрен аңлаттылар, профилактика чаралары турында әңгәмә оештырдылар. Авыл халкына кызыл ленталар беркеттеләр. 

Мәктәптә 1-7 нче сыйныфлар арасында Әниләр көненә багышланган "Әнием-газизем" дип исемләнгән рәсем конкурсы узды. Аны сәнгать укытучылары Шәймарданова А.Р., Гарипова А.А. оештырдылар һәм үткәрделәр.  Укучылар анда бик теләп катнаштылар, берсеннән-берсе матур рәсемнәр ясадылар. Жюри бу конкурска нәтиҗә ясап, җиңүчеләрне билгеләде. Линейкада җиңүче укучыларга грамоталар тапшырылды.

  Сегодня ученики 7 класса выполнили комплексную работу.

     26 нчы ноябрь көнне Сикертән мәдәният йортында «Илгә - матурлык, җиргә - батырлыкны сез бирәсез, газиз әниләр!» дигән кичә үтте. Кичәгә укучыларның әниләре чакырылган иде.  Әниләргә җылы теләкләр, дәртле биюләр, мәгънәле җырлар яңгырады.

            Әни.... Өч хәрефтән торган бу сүздә күпме наз, җылылык һәм күңел тойгысы! Әни... Һәр кеше өчен иң кадерле, иң сөйкемле зат ул! - Әни... Аның күзләре шундый ягымлы һәм мөлаем. Әйтерсең, бөтен дөньяның акылын һәм сабырлыгын җыйган диңгез! Ә әнкәйнең куллары иң-иң җылы, иң-иң кадерле куллардыр , мөгаен.  Шул ягымлы куллар сиңа кагылуга, бөтен кайгыларың югала, Ә балам дип аркаңнан сыйпаса, сиңа гүя канатлар үсә. Ә сүзләре... Сүзләре шундый татлы, туң йөрәкләрне эретерлек җылы.  Ә авырсаң төннәр буе яныңнан да китми инде ул! Бары әнкәйләр йөрәге генә шулкадәр түземле, шәфкатьле!  Әни! Дөньяда иң кадерле, иң якын кеше.

Бөтенроссия фән олимпиадаларының муниципаль этаплары дәвам итә. Укучыларыбызның уңышлары да бар. Экология фәне буенча 8 нче класс укучысы Шәмсемөхәмәтова Г. призёр (укытучысы Сәгыйдуллина Ч.Р.), география фәне буенча 7 нче  класс укучысы Кәримов И. җиңүче, 8 нче класс укучысы Шәмсемөхәмәтова Г. призёр (укытучылары  Сәгыйдуллина Ч.Р.) булдылар. Укучыларны җиңүләре белән котлыйбыз, алдагы фән олимпиадаларында да барысына уңышлар телибез!!!

           Укучыларга сыйныф сәгатендә,   саулыкның матур гомер итү өчен мөһим шарт икәнлеге турында тәрбия бирү, яшь буынны сәламәт яшәү рәвешенә өйрәтү, зарарлы гадәтләрнең сәламәтлеккә зыян китерүен аңлату, олыларның, әти-әниләренең киңәшләренә колак салырга өндәү бик зур этәргеч булып торды. 

              Тиздән безнең кадерле әниләребезнең бәйрәме якынлаша. Шул уңайдан, башлангыч классларда "Минем кадерле әнием!" дигән темага класс сәгатьләре үткәрелде. Укучылар әниләргә багышлап котлау открыткалары ясадылар.

         Тиздән Әниләр бәйрәме! Һәр класс тырышып үзенчәлекле бүләк әзерли.