Чишмәләр - гүзәл җиребезнең зәңгәр күзләре. Алар кечкенә генә булсалар да, табигатькә җан кертүчеләр, табигать байлыклары. Алар турында "Башы - тауда, аягы - диңгездә", дигән табышмак та бар. Ул чишмәләрнең җитез, йөгерек, халыкка хезмәт итүчән табигатьләрен бик дөрес сурәтли.

   22-нче июнь - Бөек Ватан сугышы башланган көн. Озакламый сугышта һәлак булганнарны искә алып, Хәтер көне утәчәк. Шул уңайдан лагерьга йөрүче балалар вожатыйлар белән бергә ылыслардан матур букетлар ясадылар. Шул букетларны тантаналы итеп һәйкәл янына куйдылар.

          Гөберчәк китапханәсе мөдире Гөлфирә Зөфәр кызы һәм клуб мөдире Халидә Мөхәммәтнур кызы экология елына багышланган үзенчәлекле һәм тәрбияви яктан бик кирәкле әдәби мәйдан үткәрделәр.Тирән эчтәлеклк интеллектуаль уен укучыларга бик ошады.

       "Иң гүзәл кыз" бәйгесе кызларның бик көтеп алган ярышы.  Карагыз сез мода ярышын: нинди  үзенчәлекле киемнәр теккәннәр: пакет,гәҗит,"затлы  мех"лар - барысы да эшкә яраган. Кызларыбыз барысы да җиңүче булды.

     Бүген "Дуслык"  лагеренда "Татар егете" бәйгесе бик күңелле һәм кызыклы үтте. Егетләр төрле ярышларда үзләрен сынап карадылар: җырладылар, биеделәр, чәч үрделәр һәм башка төрле конкурсларда тырышып катнаштылар. Көн бик матур һәм күңелле үтте.

     Бүген лагерьга йөрүче балалар белән вожатыйлар Яңа Кырлай авылына Габдулла Тукай музеена экскурсиягә бардылар. Экскурсовод бик матур итеп сөйләде, Габдулла Тукай тормышы белән таныштырды. Балалар зур игътибар белән кызыксынып тыңладылар, музейдагы экспонатлар белән таныштылар, музей янындагы күлдә рәхәтләнеп көймәдә йөзделәр. Аннары Сәгъди абый йортына бардылар, элекке заманда кешеләрнең нинди тормышта, көнкүрештә яшәүләре белән таныштылар. Тирә -як табигать шундый матур. Балалар да, вожатыйлар да матурлыкка хозурланып, сокланып, рәхәтләнеп ял итеп кайттылар.  

     Бүгенге көн дә бик матур чаралар белән башланып китте. Лагерьда - индеецлар көне. Балалар вожатыйлар белән бергә индеецлар булып киенделәр, бизәнделәр, төрле ярыш-конкурсларда актив катнаштылар. Индеецлар тормышы турында презентация карадылар. "Могҗизалар кыры" да бик күңелле үтте.

    Бүген лагерьда "Туган көн" бәйрәме узды. Балалар  матур-матур бүләкләр әзерләделәр, бер-берсенә бүләк иттеләр,  шигырьләр сөйләделәр, концерт куйдылар. Аннары  төрле-төрле ярышлар оештырылды,  балалар пионербол, саф һавада хәрәкәтле уеннар уйнадылар. Көн бик матур һәм файдалы үтте.

     12-нче июнь Россия көне. Шуk уңайдан без балалар  белән әңгәмәләр үткәрдек, Россия дәүләт символлары белән таныштык, эчтәлекле презентация карадык. Казаклар авылына барып чишмәләрне карадык, чистарттык, табигать гүзәллегенә сокланып кайттык. Ахырдан балалар бик матур бәйрәм концерты куйдылар. Көн бик матур һәм күңелле үтте.