22 нчы ноябрь көнне 8-11 класслар өчен "Уңыш бәйрәме" үткәрелде. Бәйрәмдә төрле әкиятләрне сәхнәләштерделәр.  Бәйрәм кунагы - күмәк хуҗалык рәисе Галиев Зөлфәт Фирдәвес улы җәй көннәрендә эшләгән егет-кызларга бүләкләр тапшырды.

16.11.2012 көнне районның иң алдынгы класс җитәкчеләре көч сынаштылар. Беренче тур нәтиҗәләре буенча иң күп балл җыеп, безнең мәктәп укытучысы Шакирова Рәмлә Ренат кызы икенче турга үтте һәм анда да уңышлы чыгыш ясап 2 нче урын яулады. Рәмлә Ренатовнаны җиңүе белән котлыйбыз!

16.11.2012 көнне мәктәпнең класс җитәкчеләре методик берләшмә утырышы булды. 11 нче сыйныфта "Нәрсә ул бәхет?" темасына ачык тәрбия сәгате күрсәтелде. Сыйныф җитәкчесе Исламгалиева Розалия Фоатовна.

16.11.2012 көнне мәктәбебездә "Сабантуй газетасы" хезмәткәрләре белән очрашу үткәрелде. Алмаз Хамзин үзенең юмор осталыгын күрсәтте.

7.11.2012 көнне, район күләмендә "Казанның истәлекле урыннары" дигән исем астында "Эрудит-клуб" уены булды. Безнең мәктәп командасы беренче урынны яулады. Молодцы!!!!!

2.11.2012 көнне 6 нчы сыйныф укучылары "Сөмбелә" бәйрәмен кызыклы һәм мавыктыргыч итеп үткәрделәр. Класс ике командага бүленеп көч сынашты. "Көзге алмалар" (кызлар) һәм "Яшелчәләр" (малайлар) командалары төрле әкиятләрдән күренешләр күрсәттеләр.

27.10.2012 көнне мәктәбебездә Корбан бәйрәме үткәрелде. Икенче озын тәнәфестә мәктәпнең барлык укучылары Корбан ашына җыелдылар. Әхлак түгәрәгенә (җитәкчесе Галиева С. М.) йөрүчеләр Корбан гаете турында шигырьләр сөйләделәр, белгән догаларын яттан укыдылар. Күңгәр мәчетеннән килгән Рубис хәзрәт Корбан гаете турында чыгыш ясады. Соңыннан укучылар, укытучылар Корбан ашыннан авыз иттеләр. Яшел үзән районында яшәүче Күңгәр авылы кияве Илгизәр хәзрәткә, әти-әнисе Түбән Шашы авылыннан булган Котдусов Ринат Рәшит улына һәм Күңгәр авылы мәчетенә чиксез рәхмәтебезне җиткерәбез.

Башлангыч сыйныф укучылары Сөмбелә бәйрәме үткәрделәр. Бәйрәмгә матур җырлар, шигырьләр әзерләгәннәр. Көз турында сынамышлар әйттеләр, яшелчәләр турында табышмаклар чиштеләр. Бәйрәмдә Көз кызы, төрле яшелчәләр дә катнашты.

Парламент дәресләре кысаларында уздырылган "Кеше һәм гражданнарның конституцион хокуклары һәм бурычлары" исемле 10-11 сыйныфлар өчен үткәрелгән дәрестә җирле үзидарә советы рәисе Галиәхмәтов И. И. та катнашты. Дәресне җәмгыять белеме укытучысы Шакирова Р. Р. алып барды. Галиәхмәтов И. җирле үзидарә эшчәнлеге белән таныштырды, һәм укучылар тарафыннан бирелгән сорауларга җавап бирде. Укучылар үзләрен борчыган сорауларга җавап алдылар. Дәрес бик эчтәлекле, файдалы булды. 

24.10.2012 көнне мәктәбебезнең җәмгыять укытучысы Шакирова Р. Р. башлангыч сыйныф укучылары өчен парламент дәресе кысаларында "Минем хокукларым" дигән темага сыйныф сәгате үткәрде. Укучыларга слайд-шоу ярдәмендә бурычлары, хокуклары аңлатылды. Чара файдалы һәм эчтәлекле булды, 1-4 сыйныф укучыларына бик ошады.