Бакчабызның нәниләр төркеменә 3 бала килде. Алар ияләнү-адаптация чорын уңышлы гына башлап җибәрделәр. 

Уртанчылар төркемендә тәрбияләнүче балалар ай саен туган көн бәйрәме уздыралар. Алар бүген январь аенда туган төркемдәшләрен - Ансарны, Гаделне, Зифаны - туган көннәре белән котладылар, бергәләшеп "Ак калач" уйнадылар. 

Бакчабызда бүген педагогик киңәшмә булды. Анда ярты еллыкка   ФГОС буенча  куелган максатлар, бурычлар каралды.

Зурлар һәм мәктәпкә хәзерлек төркеме балалары мәктәпкә Чыршы бәйрәменә бардылар. Абый-апалары белән бергәләп җырлар җырладылар, биеделәр, Кыш бабайның күчтәнәчләрен авыз иттеләр. 

Яңа ел килә, Яңа ел!

Бәрәкәте белән килсен ул.

Һәрбер өйгә, йөрәк, күңелгә

Бәхетләре белән иңсен ул!

Зурлар һәм мәктәпкә хәзерлек төркемендә тәрбияләнүче балалар янына Кыш бабай белән Кар кызын каршыларга бик күп җәнлекләр килгән иде. Матур һөнәрләр күрсәткәннәре өчен Кыш бабай аларны бәйрәм белән котлап, бик күп күчтәнәчләр бирде. 

Бүген бакчабызның нәниләр төркемендә "Яңа елны каршылап..." исемендә бәйрәм иртәсе булды. Бәйрәмгә Кәҗә бәтиләре һәм Бүре килеп балаларга күңелле мизгелләр тудырдылар. Ә балалар өчен иң сөенечлесе - Кыш бабай белән Кар кызының килүе булды. Алар нәниләребез белән рәхәтләнеп уйнадылар, биеделәр, җырладылар. 

Бакчабызның уртанчылар төркемендә Яңа ел аеруча күңелле үтте. Балалар төрле әкитләрне сәхнәләштереп, төрле рольләргә кереп тамаша куйдылар. 

Бүген бакчабызга Кыш бабай килеп, тәрәзә аркылы балаларга сәлам бирде. Нәниләребез Кыш бабайны күреп бик сөенделәр, аны бәйрәм иртәсенә дә чакырып калдылар. 

Уртанчылар төркемендә бер атна "Чыршы" проекты дәвам итте. Проектны йомгаклап, әти-ниләр арасында "Матур чыршы" конкурсы игълан ителде. Конкурста барлык гаиләләр дә актив катнаштылар, үзләренең иҗат җимешләрен тәкъдим иттеләр. Аларга зур рәхмәтебезне белдерәбез.

Бакчабыз хезмәткәрләре бу көннәрдә территорияне бизәү өстендә бик нык эшләделәр. Ишегалдына килеп кергәч үзенне әкият дөньсында кебек хис итәсен. Хезмәткәрләр төрле әкият геройларын кардан ясап катырдылар.