Бүген авылыбызда милли Сабантуй гөрләп үтте. Анда безнең бакча балалары да актив катнаштылар һәм үзләренең матур чыгышлары белән Сабантуй кунакларын сөендерделәр.

Ураза гаете уңаеннан бакчабызга Җәлил хәзрәт Фазлыев килде. Ул балаларга үзенең үгет-нәсихәтләрен бирде һәм һәр балага күчтәнәчләр өләште.

Балаларның сәламәтлеген саклау өчен  җылы көннәрдә сәламәтлек сукмагыннан үтәбез. 

Сулар сибеп үстерәбез

Бакчадагы гөлләрне. 

Үсәбез алар янында 

Куып күбәләкләрне. 

Районыбызда "Проектирование образовательной программы дошкольных образовательных организаций в условиях внедрения ФГОС" дип аталган белем күтәрү курслары оештырылды. Зачетка бакча тәрбиячеләре проектлар әзерләделәр һәм аларны яклап чыгыш ясадылар. Безнең бакчадан "Безнең гаилә" дип исемләнгән проект якланды һәм бик уңай бәяләнде.  

Уйнап кына тормыш бармый,

Эшләп яшәргә кирәк.

Гөлләребез шаулап үссен,

Чүбен утыйк тизерәк.

Бакчабызда сөенеч!

Бүген яңалар килде.

Зәйнәб, Камил, Диләрәгә

Һәммәбез дә сөендек.

Миннегали абыйлары

Ясаган матур итеп. 

Я, кайсыгыз әйтә ала - 

Без бүген кая киттек?

Бөтенрәсәй күләмендә уздырылган "Арт - талант" балалар өчен рәсем  конкурсында безнең бакча балалары да үзләренең нәни куллары белән ясаган  рәсемнәре белән катнашып, дипломнарга лаек булдылар. Аларны җиңүләре белән котлыйбыз һәм алда да зур уңышларга ирешүләрен телибез.

Ялдан килешебезгә ямь өстенә ямь өстәп бакчабызда пион чәчәкләре аткан. Балалар матурлыкны күреп бик сөенделәр, аларга сокланып карадылар.