9 Дөньякүләм китап укучылар бәйгесе “Әдәби марафон” игълан ителгән иде. Мәктәбебез укучылары ярыша-ярыша матур әдәби китаплар укыдылар. Бу бәйгедә 5 нче сыйныф укучылары  җиңү яуладылар. 15 нче ноябрьдә алар Казан Универсиада авылы, Идел буе физик культура, спорт һәм туризм академиясенең “Академия” концертлар залында “әдәби марафон” 9 Дөньякүләм китап укучылар бәйгесенең бүләкләү тантанасында катнаштылар. Афәрин, балалар! Китаплар сезнең гомерлек юлдашыгыз булсын. Китап-дустыгыздан аерылмагыз.

  14 нче ноябрь көнне Буа шәһәренең Сагдеев мәктәбендә “Шәҗәрәләр-нәсел агачы”  дигән темага фәнни-гамәли конференция булды. Анда 9 нчы сыйныф укучысы Салават Аксу авылы мәчете тарихы турында уңышлы чыгыш ясап, зур уңышка иреште. Киләчәктә дә зур уңышларга ирешергә булсын.

 15 нче ноябрь көнне мәктәптә гомуми ата-аналар җыелышы булды. Ул 1 нче чирек йомгакларына багышланды. Җыелышта сүз балаларның сәламәтлеген саклау, аларны төрле куркыныч гамәлләрдән, сәламәтлеккә зыян китерүче эчемлекләрдән, ризыклардан ничек йолып калу юнәлешендә барды. ОГЭ һәм ЕГЭга әзерләнү юнәлешендәге эшләр турында сөйләшенде. Мәктәптә балалар өчен дәрестән соң эшләрен оештыруга, түгәрәкләргә йөрергә , олимпиадаларга әзерләнергә мөмкинлекләр тудырылуы турында әйтелде. Әти-әниләрнең үз чиратларында балаларның тәртипләрен, телефоннарда кайда утыруларын, дәресләргә, имтиханнарга әзерләнүләрен контрольгә алырга тиешлекләре әйтелде. Ата-аналар комитеты сайланды. Сау-сәламәт балалар тәрбияләү - һәрберебезнең уртак эше, шуңа күрә бергә ярдәмләшеп эшлик.

Укучыларның дәрестән тыш эшчәнлеген оештыру максатыннан, авыл мәдәният йортына кино карарга бардык “Водяная” дигән фильм күрсәтелде. Фильм эчтәлеге буенча әхлакый тәрбия бирү юнәлешендә иде. Балаларга бик ошады.

Каникул көннәрендә 9 нчы сыйныфлар өчен мәктәп базасында “Акыллы каникуллар” дигән проект эшләде. Укучылар фәннәр буенча имтиханнарга әзерләнү дәресләренә килделәр. Химия фәнен сайлаган укучылар Дилбәр Мансуровна белән шөгыльләнделәр.

   9 нчы сыйныф укучылары Математика фәненнән ОГЭга әзерлек дәресендә  төрле катлаулылыктагы мәсьәләләр чиштеләр.

  Укучыларга сафтан чыккан батарейкаларның тирә-якка һәм кеше организмына зарары турында аңлатылды. Батарейкаларны җыю акциясе башлануы хәбәр ителде һәм залга махсус пакетлар куелды. Искергән батарейкалар җыябыз!

  “Шигырьләрең, Мостай, һәрчак шулай, Гизеп утсен илләр арасын1- дигән темага 22 нче октябрьдә авыл китапханәсендә бик эчтәлекле шигырь бәйрәме булып үтте. 5-6 сыйныф укучылары матур-матур шигырьләрен сөйләделәр, китапханәче апалары әдипнең портреларын күрсәтте, биографиясен сөйләде.

19 нчы октябрь көнне  Дөньякүләм белем бирү “Татарча диктант” акциясе уздырылды. Безнең мәктәп бу акциягә бик теләп катнашты. Барлыгы 60 кеше диктант язды. Алар арасында укучылар да, укытучылар да, мәктәп хезмәткәрләре дә, әти-әниләр дә бар иде. Текст халык шагыйре Р.Миңнуллиннан иде. “Мин кулыма китап алам”. Текст бик тирән эчтәлекле, тәрбияви һәм көн кадагындагы теманы чагылдырган. Диктантны язу читенлек тудырмады, һәркем бик тырышып язды.

Буа шәһәрендәге боз сараена шугалакка бардык. Рәхәтләнеп бозда шудык. Безгә шундый мөмкинлек тудырган иминият кампаниясенә зур рәхмәт белдерәбез.