2 нче апрель -Халыкара балалар китабы көненә багышлап , 4 нче апрель көнне мәктәбебездә гомум тәрбия сәгате узды . Анда укучылар татар китабы тарихы , якташ язучылар , җирле шагыйрьләр турында мәгълүмат алдылар ;  сәнгатьле итеп  шигырьләр сөйләделәр .

Якташ язучыбыз Әхмәт Рәшитнең 80 яшьлек юбилеена багышланган "Кояшлы ил" беренче Республикакүләм фәнни-гамәли конференциядә чыгыш ясап , 10 сыйныф укучысы Шәрәфетдинов Айнур 1 нче дәрәҗә Дипломга лаек булды. 4 сыйныф укучысы Нестерова Әдилә шагыйрьнең шигырен сәнгатьле сөйләп  беренче урын Грамотасын алды . Сабирзянова Язилә (1 сыйныф), Вахитова Рәзилә (2 сыйныф) катнашучы шәһадәтнамәсенә лаек булдылар.

31 мартта чираттагы гомуми ата-аналар җыелышы узды . Беренче әниләр һәр сыйныф җитәкчесе белән күрешеп сөйләштеләр . Аннары ОГЭ,ЕГЭ ,4 нче сыйныфта Бөтенроссия тикшерү эшләре үткәрү өчен башкарыла торган эшләр турында чыгышлар булды . Әти -әниләргә балаларның тормыш куркынычсызлыгын саклау , сәламәтлекләрен кайгырту мәсьәләләре буенча тәкъдимнәр һәм киңәшләр җиткерелде .

Кошлар көне уңаеннан игълан ителгән конкурс ахырына якынлашты . Фотода иң актив укучылар .

Кошлар көне уңаеннан 7нче һәм 8нче сыйныфлар "Аккош" һәм "Карлыгач " командаларына бүленеп КВН үткәрделәр . Ярышта "Карлыгач" командасы җиңүгә иреште.

Ел саен үткәрелә торган сыерчык оялары конкурсы быел да мәктәбебездә зур активлык белән үтте .Конкурста аеруча башлангыч сыйныф укучылары бик актив катнашты. Алар ясаган оялар кошчыкларга күңеленә хуш килер диеп ошанып калабыз.

3 чирек нәтиҗәләренә анализ ясау юнәлешендә укытучыларның чираттагы педсоветы булды . Һәр сыйныф укытучысының өлгерешенә ,сынау формасында үткән ОГЭ һәм ЕГЭ нәтиҗәләренә ,дәресләрләрдән тыш үткәрелгән чараларга анализ ясалды . Күптән түгел курсларда булып кайткан завуч Р.Ф.Хәйруллина ФГОС мәсьәләләре белән бәйле кайбер яңалыкларны , тәләпләрне җиткерде .

23 март көнне Буа шәһәренең 5 нче мәктәбендә башлангыч сыйныфлар өчен "Барысын да белергә телим "  район конференциясе үткәрелде . Мәктәбебезнең 2 сыйныф укучысы Шарафутдинова Алсинә конференциядә катнашып беренче урынны яулады . Җитәкчесе Зиннатуллина Лилия Вазыйх кызы .

 3 нче чирекнең соңгы көннәре . Бүген гомуми линейкада укуга йомгак ясалды. Төрле конкурсларда катнашып, урын алган укучыларга  Грамоталар тапшырылды. Язгы каникулга эш планы белән таныштырылды. Сыйныф җитәкчеләре класс җыелышларында  язгы каникул вакытына инструктаж үткәрделәр.

 “Ният-2016” фестиваль-конкурсына нәтиҗә ясалды. Буалылардан тыш, Ульяновск, Самара, Пенза өлкәләре, Чуашстан, Марий Эл, Мордовия республикалары, республиканың Идел аръягы районнары коллективлары да катнаштылар. Д.Салиховның    "Язмыш" драмасы белән Аксу урта мәктәбе укучылары 1 урынны яуладылар .Җитәкчеләре татар теле һәм әдәбият укытучылары,Хәйруллина Р.Ф.,Идиятуллина Г.Т.,Гобәйдуллина И.И.

10 нчы сыйныф укучысы Шарафутдинов Айнур «Иң яхшы ир-ат»номенациясендә 1 Дәрәҗә Дипломга лаек булды.