16-21 ноябрьгә кадәр мәктәптә театр атналыгы бара .

Мәдәният дөньясына рәхим итегез , балалар һәм әти- әниләр !

Шагыйрь , язучы Җәүдәт Дәрзаманның 70 яшьлек юбилее уңаеннан "Балаларның аерылгысыз дусты -Җәүдәт Дәрзаман " темасына балалар иртәсе үткәрелде . Анда 1-4 сыйныф укучылары катнашты . Укучылар шагыйрьнең шигерьләрен ,хикәяләрен сөйләделәр . Ахырдан язучы иҗатына багышланган презентация күрсәтелде .

Гражданнар оборонасы айлыгы кысаларында мәктәптә ТИН дәресләре  булып үтте . Укучылар беренче пожар сүндерү өчен җайланган машина һәм мотопомпа ярдәмендә су сиптереп карадылар . Икенче дәрестә огнетушитель ярдәмендә пожар чыганагын сүндерү буенча практик дәрес булды . Шулай ук укучылар бу көнне бау ярдәмендә төрле төеннәр бәйләргә , палатка куярргада өйрәнделәр . 3 дәрескә Буада МЧС та эшләүче Гисматуллин Амир Гөлмулла улы килде . Ул үзенең чыгышында пожардан саклану чаралары аны сүндерү һәм пожарны булдырмау юллары турында сөйләде.

"Экстремизмга- юк !" айлыгы кысаларында "Без тынычлык яклы " темасына  кичә булып узды . Укучыларга тынычлыкны саклауның әһәмияте , терроризмның фаҗигасе турында аңлатылды . Чараларны тарих укытучысы Камалиева Гүзәл һәм авыл китапханәчесе Нургалиева Фәридә әзерләде .

8 нче сентябрь -грамоталылык көне . Шул уңайдан мәктәбебездә "Грамоталылык гомуми культуралылыкның бер өлеше " дигән темага тәрбия сәгатьләре булды . Ә татар теле дәресләрендә төрле типтагы диктантлар яздык .

Агачларны юкка гына җиребезнең яшел калканы димиләр. Сулаган һавабызның сафлыгы, елга-күлләребезнең мул суы шул калканның никадәр ышанычлы булуына бәйле. Һәр кеше үз гомерендә бер тапкыр булса да агач утыртырга тиеш, ди халык.

7 сентябрьдә Республикада  игълан ителгән  «Без бергә» экологик акциясендә   агач утырту ачык  мисал булып тора.  Акция кысаларында мәктәбебез  да тирә - якны яшелләндерү эшләрен дә актив катнашты.   “Бола” елгасы буена  9 -11 сыйныф укучылар эрозиягә каршы куаклар утырттылар.  

Елдагыча укучылар һәм укытучылар тырышлыгы белән үстерелгән “икенче икмәгебез”  мул уңыш җыеп алынды.

3 сентябрь -терроризмга каршы көрәш көне .Шул уңайдан барлык сыйныфларда да тәрбия сәгатьләре үткәрелде .

Көтеп алынган кыңгырау чыңлады . Быел беренче сыйныфка керүче 9 бала өчен ул беренче кыңгырау булды . 2015-16 уку елында Аксу урта мәктәбендә 83 бала белем алачак . 11 сыйныфта  9 укучы ЕГЭ бирергә әзерләнә . Хәерле сәгатьтә ! Хәерле белем юлына !