Әле 1 нче сентябрь иртәсендә генә мәктәп бусагасын тәүге мәртәбә атлап кергән нәниләр бүген беренче җиңүләрен бәйрәм иттеләр. Аларга хәрефләр тану, алардан иҗекләр, сүзләр төзү, укырга өйрәнү җиңел булмады. Тик алар бик тырыштылар. Алда тагын зур уңышларга ирешүегезне теләп калабыз.

"Ел укытучысы -2016" бәйгесендә башлангыч сыйныфлар укытучысы Сабирзянова Гөлнара Фоат кызы катнашты. Ул 10нчы февраль көнне Иске Суыксу мәктәбендә мөхтәрәм комиссия  каршында 4 сыйныф укучылары белән татар теленнән "Сорау алмашлыклары "дигән темага дәрес күрсәтте.

Айлык дәвам итә . Айлык планы буенча 5 сыйныф укучылары үзләренең югары сыйныфта укучы апалары ,абыйлары белән берлектә "Күңелле стартлар"уены уйнадылар . Ярышта Юсуповлар, Гатиятуллиналар , Шафигуллиннар һәм Гатауллиннар командалары катнашты . Ярыш дуслык җиңүе белән тәмамланды. Ярыш тәмамлангач Дилбәр апалары бүләкләр таратты .

Законнар тормышыбызда зур роль уйный.Ә алар ничек барлыкка килә?Аларны кем төзи?     Татарстанда Парламент дәресләре 2009 елдан бирле уздырыла.Алар төрле темаларны колачлый.”Законнар кайда туа?”,”Гражданин һәм сайлаулар”,”Дәүләт символлары”.Ә быел үтәчәк дәреснең темасы “Гражданин. Җәмгыять.Дәүләт.” дип атала.Ул безнең мәктәбебездә 9 февраль көнендә уздырылды.

5нче февраль көнне гражданнарны патриотик рухта тәрбияләү айлыгы кысаларында мәктәп күләм спорт ярышлары булып үтте. 5-11 нче сыйныф укучылары 3 төрдә ярыштылар. Бу турникта күтәрелү , дартс һәм гәүдәне күтәрү(отжимание). Яшь буенча өчкә бүленгәч уңышлар түбәндәгечә.

6 февральдә Аксу урта мәктәбендә "Балаларны тәрбияләүдә ата-ананың роле" темасы астында  чираттагы ата-аналар җыелышы булды . Җыелышта шул темага Гөбәйдуллина И.И. чыгыш ясады . ЕГЭ,ОГЭ, 4 сыйныфларны тестлаштыру мәсьәләләре турында җиткерелде . ГТО нормаларын үтәү ,укучыларның тормыш  куркынычсызлыгы  кагыйдәләре турында аңлатылды. 

Авылыбыз культура йортында бик зур тантана булды . Анда мәктәбебезнең иң күп матур әдәби китап укучыларны зурладылар . Авыл китапханәсеннән иң күп китап алып укучыларга Фәридә апалары грамоталар һәм бүләкләр тапшырды . Укучылар үзләре шигырьләр сөйләделәр . Соңыннан Буадан  махсус килгән Эльвира апалары белән кызыклы уеннар уйнадылар :  шарлардан төрле сыннар ясадылар . Бәйрәм бик кызык һәм күңелле булды . 

Мәктәбебездә "Укучыларны ЕГЭны уңышлы бирүгә әзерләү " темасына семинар булып үтте . Семинарда 11нче сыйныфта Рус теле буенча мәктәп укучылары өчен ачык дәрес үткәрелде . Беренче квалификацион категорияле рус теле укытучысы Хайбуллин И.У. укучыларны ЕГЭга әзерләү тәҗрибәсе белән уртаклашты . Дәрес сочинение -рассуждение язарга өйрәнү рәвешендә оештырылды .Соңыннан дәрескә үзанализ һәм анализ ясалды . 

Хәрби- патриотик айлык кысаларында мәктәбебездә “Бер адым да артка чигенмә!” дип аталган батырлык  дәресе уздырылды. Дәрестә урта һәм өлкән сыйныф укучылары Сталинград өчен барган сугыш хроникасын һәм аның тарихи әһәмиятен күзалладылар. Дәресне тарих укытучысы Камалиева Г.З. уздырды.

  1941 нче елның 8 сентябереннән 1944 елның 27 январенә  чаклы ( 872 көн) барган Ленинград блокадасы тәмамлану көнне мәктәпнең тарих укытучылары . Камалиева Г.З. һәм Хәйруллин Т.Д . укучылар өчен ачык тәрбия сәгате үткәрделәр . Алар вакыйгалар хронологиясен , халык татыган ачы язмыш турында сөйләделәр .