Методик семинар кысаларында 22  гыйнварда 7 нче сыйныфта "Татар әдәбиты" фәне буенча ачык дәрес үткәрелде . Дәресне 1 квалификацион категорияле татар теле һәм әдәбияты укытучысы Гобәйдуллина Илсөяр Ильдус кызы үткәрде .

Бүген юлларда машина йөртүчеләр һәм җәяүлеләр гаебе белән бик күп  һәлакәт булып тора . Алар арасында кызганычка каршы укучы балалар да була . Япь-яшь гомерләр өзелә .Шуны исәпкә алып ,укучыларга юл кагыйдәләре һәм аларны төгәл үтәргә кирәклеген һәрдаим искә төшерелеп  тора . Сыйныф сәгатьләре, төрле чаралар үтә . Районыбыз территориясендә дә шундый фаҗигаләр булуын ишеткәч , мәктәп күләмендә линейкага җыелдык. Укучыларга Буада булган юл һәлакәтләре һәм шунда һәлак булган һәм имгәнгән укучылар турында җиткердек . Авыл юлларыда , олы юлларда бигерәк тә буранлы кыш көнәрендә нинди кагыйдәләрне үтәргә кирәклеге тагын  бер кат яңартылды .

19 январьда 9  нчы һәм 11 нче сыйныф укучыларының ата-аналар җыелышы булды . Төп тема ОГЭ һәм ЕГЭ мәсьәләләре булды . 1 нче яртыеллык нәтиҗәләренә анализ ясалды . Имтиханнар өлкәсендәге кайбер үзгәрешләр ,яңа күрсәтмәләр , тәкъдимнәр җиткерелде .

Хөрмәтле коллегалар, әти-әниләр ,укучылар!

Сезне барыгызны да якынлашып килүче Яңа ел бәйрәмнәре белән котлыйм. Сәламәтлек һәм бәхет-шатлык белән тулы көннәр, байлык һәм күңел тынычлыгы сезне читләтеп үтмәсен. Хыялларыгызның һәр барчасы тормышка ашсын, бәхетләрегез ташып торсын!  Кыш бабай ,Кар Кызы ,мәктәп администрациясе. 

 Беренче яртыеллык нәтиҗәләре буенча Аксу урта мәктәбе укытучыларының киңәшмә  утырышы булды . Утырышта сыйныф җитәкчеләре укучыларның өлгереше һәм тәртибе турында отчет бирделәр . ЕГЭ һәм ОГЭ мәсьәләләре буенча да зур сөйләшүләрт булды . Методик эшкә һәм эчке контроль нәтиҗәләренә анализ ясалды. Яңа яртыеллыкка максатлар һәм бурычлар билгеләнде. 

16-17 нче декабрьдә татар теле һәм әдәбияты буенча республика олимпиадасының район этабы үтте.  Нәтиҗәләр буенча уңышларыбыз әйбәт кенә . Җиңүчеләребез дә, призерларыбыз да бар . Менә алар Салаватуллина Альбина -9нчы сыйныф, Шарафутдинова Айсылу -7нче сыйныф җиңүчеләр , Сабирзянов Булат-6нчы сыйныф, Шәфигуллина Нәргизә -8нче сыйныф , Камалиева Лилия -9нчы сыйныф , Гатауллин Илназ -5нче сыйныф , Шәрәфетдинов Айнур -10нчы сыйныф , призерлар булдылар. Афәрин укучылар! 

Беренче яртыеллык өчен мәктәп администрациясе тарафыннан 2-11 сыйныфларда математика , татар теле ,  рус теле фәннәреннән контроль эшләр үткәрелде . Нәтиҗәләр буенча өлгереш -100% ; сыйфат -80% .

Мәктәбебез яңа 2016 нчы елны каршыларга әзерләнә. Залларыбызны , сыйныф бүлмәләрен кар бөртекләре , үзебез ясаган төрле уенчыклар , ялтыравыклар белән бизәдек . Стеналарга газета -плакатлар ясап элдек . Мәктәбебез бик матур булды. Иң матур бизәлгән сыйныф бүлмәсе 1-3нче һәм 9 нчы сыйныф укучыларыныкы .Килегез ,күрегез!!!