3-30 сентябрьдә Татарстан Республикасында милләтара һәм конфессиональара дуслыкны ныгыту, террорчылык һәм экстремизмны кисәтү, халыкта террор күренешләре, экстремизм идеологияләре белән килешмәү фикере тудыру максатында "Экстремизмга -Юк" айлыгы үткәрелә. Әлеге айлык кысаларында, бүген мәктәбебездә шул исемдәге бердәм дәресләр үткәрелде. 

Бүген барлык мәктәпләрдә тәүге кыңгырау яңгырады. Безнең мәктәптә ул 54 баланы беренче дәрескә чакырды, шуларның 4 се 1 нче сыйныф  укучылары. Әлеге балаларны сыйныф җитәкчеләре Габидуллина Лютция Әгъзам кызы каршы алды. Чарага район башлыгының урынбасары Бәдретдинова Дания Әкраметдиновна, "Гөбнә" агрофирмасы вәкиле Щукина Рамилә Рифкатовна һәм ветеран укытучылар килгәннәр иде. 

Укытучыларның җәйге спартакиадасының район туры Иске Тәрбит мәктәбендә узды. Бездән әлеге ярышта физик тәрбия укытучылары Хәйретдинова Л.Р. һәм Хәсәнов И.Р. катнаштылар. Әлеге укытучыларыбызның икесе дә бадминтон ярышында призлы урынга лаек булдылар.

Бүген укытучыларның традицион август киңәшмәсе узды. Быел ул уку-укытуны сыйфатлы итүдә заманча технологияләр куллануның яңа мөмкинлекләрен бирү темасына багышланганиде.Әлеге киңәшмәдә мәктәбебезнең укыту-тәрбия эшләре буенча директор урынбасары Э.Г.Хәсәнова "Инновация как способ повышения качества работы педагогического коллектива" дигән доклад белән уңышлы чыгыш ясады. Шулай ук, киңәшмәгә дип әзерләп килгән "Школа творчества и созидания" дигән планшетыбыз, 2 нче ел рәттән,  1 нче урын алып мактау кәгазе һәм бүләккә лаек булды. 

Бүген безнең мәктәптә укытучылар җәйге спартакиадасының зона ярышлары узды. 4 мәктәп укытучылары катнашында узган әлеге ярышларда бадминтон, армреслинг, биеклеккә, озынлыкка сикерү, 100 м га йөгерү, мишеньгә пневматик коралдан ату, аркан тартышуда көчләр сыналды. Төрле ярышларда 1 нче урын алган укытучылар район этабына чыктылар.

Кышка әзерлек максатында, бакчада үскән яшелчәләр- кыяр һәм помидорны тозлыйбыз, турап катырабыз. Алмаларны киптерәбез. Укучыларны витамин белән тәэмин итәргә әзерләнәбез.

Быел мәктәп тирәсен яңарту буенча зур эшләр башкарылды. Шуларның берсе- рәшәткәләрне яңарту. Әлеге эшне башкару өчен урманга барып жердалар алып кайтырга туры килде. Бу эшкә хөрмәтле абый-әтиләребезне һәм төрле елларда мәктәпне тәмамлаучы укучыларыбызны җәлеп иттек. Ә инде рәшәткәләрне урнаштыру өчен авыл яшьләреннән тупланган бригада ярдәмгә килде. Бүгенге көндә мәктәпкә килүчеләрне яңа рәшәткәләр һәм капка каршы ала. Әлеге эшне башкару өчен материаль ярдәм күрсәткән район башлыгыбыз Альберт Илгизәр улына зур рәхмәтебезне белдерәбез.

Бүген республикакүләм комиссия, белем бирү учрежденияләренең яңа уку елына иң яхшы әзерләү республикакүләм смотр-конкурсы кысаларында,  мәктәбебезнең яңа уку елына әзерлеген тикшереп китте. 

Бүген мәктәп яны укыту- тәҗрибә участогыннан беренче уңышны - суганны җыеп алдык. Суган быел бик уңган, кышы буена укучыларны тәэмин итәр өчен җитәрлек. 

Бездә ремонт сезоны ачылды. Стеналарны шлифлыйбыз, юабыз, буыйыйбыз. Түбәләрне агартып барабыз. Бергә эшләгәндә эш тә тизрәк бара, күңелле дә.