15 февраль  герой- шагыйрь Муса Җәлилнең туган көне. Шул уңайдан балалар Муса Җәлилнең иҗаты , аның китаплары , шигырьләре белән таныштылар. Шагыйрьнең шигырьләрен яттан сәнгатьле итеп сөйләделәр.

Кечкенәләр төркемендә саф һавада физик эшчәнлек даими үтә. Саф һавада үткәрелгән шөгыльләр йөрәк -кан тамырлары, сулыш алу, мускул һәм башка мөһим организм системаларының үсешенә булышлык итә.

Кояшкаем чык,чык,

Майлы ботка бирермен.

Майлы ботка казанда,

Тәти кашык базарда.

Кояш турындагы эндәшне искә төшергәннән соң кечкенәләр үзләренең кояшларын ясадылар.

Кечкенәләребез белән саф һавада кар бөртекләрен күзәттек. Максат-балаларның кар бөртекләре турында күз аллауларын формалаштыру, табигать матурлыгына соклана белү хисләре тәрбияләү.

Зурлар төркемендә "Алтын хохлама бизәкләре" темасына кисеп- ябыштыру  шөгыле үтте.

Куллар тудырган матурлык

Хохлама рәсемендә,

Әйтерсең лә кояш нуры

Аның һәр бизәгендә. 

"Яңа ел безгә килә!" дигән республикакүләм иҗади бәйгедә катнашып, Аглиева Әминә "Рәсем сәнгате " номинациясендә II дәрәҗә дипломга ия булды.

Салкын саф һава,

Йомшак кар ява.

Урамга чыксаң, 

Битләр кызара.

Кар бөртекләре

Өстеңә куна, 

Үзләре матур

Һәм салкын була.

 Республикакүләм үткәрелгән конкурсларда һәрдаим катнашып киләбез. "Яңа ел килә безгә" исемле Республикакүләм иҗади конкурсында катнашып, Маликов Раян "Яна ел эшләнмәләре" номинациясендә I дәрәҗә дипломга ия булды. Киләчәктә дә Раянга уңышлар телибез!

2февраль- керпеләр көне. Шул уңайдан кечкенәләребез керпеләр белән якыннанрак таныштылар, Аның гадәтләре турында  күберәк  белделәр. Мәсәлән: керпе үзенең энәле тунында гөмбә, алма, җиләкләр алып кайта. Әгәр дә аның каршысына берәр дошман килеп чыкса, ул аны тиз генә  йомгакка әйләнә. 

Балаларның сөйләмен үстерүдә уеннарның әһәмияте зур. Уен - шөгыльдә алынган белемнәрен ныгыту чарасы да ул. Уен танып-белү эшчәнлеген, иҗади фикерләвен һәм  сөйләмен үстерә. Тәрбиячеләребез өстәл уеннарын киң кулланалар. Зурлар төркеме балалары кичке якта төрле өстәл уеннарын яратып уйныйлар.