"Минем гаиләм һөнәре" проекты кысаларында балалар белән шәфкать туташы  һөнәре белән таныштык. "Хастаханә" сюжетлы- рольле уенын уйнадык. Уенның максаты -  балаларда шәфкать туташы һөнәренә кызыксыну уяту, белемнәрен киңәйтү,мөстәкыйль фикер йөртергә, җавап бирергә күнектерү.

Балалар  пластилиннан Кар бабайлар әвәләделәр. Максат: балаларның күзаллауларын, сәнгать осталыкларын үстерү,форма һәм күләм турында белемнәрен ныгыту,әвәләү алымнары күнекмәләрен үстерү.

Зурлар төркемендә тәрбияләнүче Аглиева Әминә Яңа елга багышланган I Бөтенрәсәй "Яңа ел мандарины" исемле иҗади конкурста катнашып 1дәрәҗә диплом белән бүләкләнде.

 Балалар белән һәрдаим табигатьтәге үзгәрешләрне күзәтәбез. Бәс сарган агачларны күзәтеп алар табигатьнең матурлыгына сокланалар, күзәтүчәнлекләре үсә.

Балаларыбыз кечкенәдән үк кошларны кайгыртырга өйрәнәләр. Кыш көне аларга азык табу авыр булганлыктан, җимлекләргә ипи валчыклары, ярмалар салалар.

Зурлар төркемендә "Көмеш кыңгырау" дип исемләнгән чыршы бәйрәме узды. Балалар Кыш бабайга үзләренең өйрәнгән һөнәрләрен күрсәттеләр. Кыш бабайдан алган күчтәнәчкә балалар аеруча сөенделәр.

Кечкенәләр төркемендә "Яна ел маҗаралары " исеме астында бәйрәм иртәсе булды. Балалар Кыш бабайга шигырьләр сөйләделәр, җырлар җырладылар, биеделәр. Бәйрәм уеннар белән бергә үрелеп барды. Балалар бик шат калды.

Бакчада әти-әниләр арасында Яна елга багышланган конкурс узды.  Кулдан ясалган чыршы, кар бабайлар, кар бөртекләре бүлмәнең бизәге булдылар.

Яна елны каршылап балалар белән бүлмәләрне бизәдек, тәрәзәләргә рәсемнәр төшердек.

Сизәсезме, җиһан буйлап

Яна ел атлап килә...

Балаларда яна ел бәйрәме рухы тудыру максатыннан бакчада кышкы фотозона ясадык.