Бүгенге көнебез сәламәтлекне ныгыту максатыннан, көне буена күңелләребез шат булсын диеп, иртәнге зарядкадан башланды. Тәрбиячеләр тарафыннан үткәрелгән "Сәламәт булыйм дисәң - чынык!" спорт чарасында катнаштык, күңелле уеннар уйнадык. Җанбай чишмәсенә сәяхәт тә күңелләрдә матур уйлар калдырыр. Без сине яратабыз "Кояшкай"!

Бүген укучыларыбыз биология,география һәм тарих фәннәреннән ОГЭ тапшырырга китте. Аларга уңышлар телибез.

Бүгенге көнебез иртәнге гимнастикадан башланып китте, "Без - табигать баласы" викторинасы белән дәвам итте. Викторинадан соң "Әкиятләр иленә сәяхәт" үткәрелде. Балалар күңелле ял иттеләр.

Балаларның җәйге яллары дәвам итә. Бүген лагерьның 6нчы көне. Иртәнге аштан соң балалар "Салкын чишмә аланына" сәяхәткә бардылар, аннан соң "Без тынычлык телибез"темасына рәсем конкурсы үткәрелде. Лагерь үзенең эшен хәрәкәтле уеннар белән тәмамлады.

Бүген балалар белән "Табигатьне өйрән һәм сакла!" темасына әңгәмә үткәрелде, "Безнең сулыкларыбыз" темасына ике отряд та бик матур проект эше башкарды. Төшке аштан соң балалар саф һавада төрле уеннар уйнадылар.

Күңелле көннәр дәвам итә. Бүген иртәнге якта туган якка сәяхәткә бардылар."Тылсымлы куллар" дәресендә балалар төрле әйберләр иҗат иттеләр. Гомумән алганда, балаларга лагерь ошый, бик теләп йөриләр.

Лагерь иртәнге гимнастика белән башланып китте. Бу атна - экология атналыгы дип игълан ителде. Балаларга "Экологик дәрес-презентация" үткәрелде. Аннан соң Чишмә буена сәяхәткә бардылар, дару үләннәре җыйдылар. Көннең икенче яртысында балалар саф һавада хәрәкәтле уеннар уйнадылар.

1июнь – халыкара балаларны яклау көне. Шушы уңайдан, мәктәбебездә Сабантуй бәйрәме үткәрелде. Гөлнур Вакыйф кызы мәктәп коллективын һәм укучыларны уку елын уңышлы тәмамлау белән тәбрикләде, уку елын уңышлы тәмамлаучы һәм мәктәп тормышында актив катнашучы укучыларга Рәхмәт хатлары тапшырды. Бәйрәм укучыларның чыгышлары, җыр-бию, уеннар белән дәвам итте.

2015-2016нчы уку елы тәмамланды. 1 нче июнь көнне әти – әниләр өчен җыелыш үтте. Җыелышның беренче өлешендә Әгъләмова Л.И.”Балаларга әхлак тәрбиясе бирү” темасына эчтәлекле, үтемле чыгыш ясады. Икенче өлештә укыту эшләре буенча директор урынбасары ДәүләтоваЛ.А. укучыларның контроль эш нәтиҗәләре, уку сыйфаты белән таныштырды. Йомгаклау сүзе белән мәктәбебез директоры Газизҗанова Г.В. чыгыш ясады. Җыелыш аерым классларда дәвам итте.