Туган тел, әдәбият һәм тарих атналыгы кысаларында “Авылымның күренекле шәхесләре”  темасына түгәрәк өстәл үткәрелде. Тарих һәм җәмгыять белеме укытучысы Гарипов А.М.  “Шушы яктан, шушы туфрактан без...” стенды белән таныштырды. Соңыннан укучылар белән түгәрәк өстәл артында сөйләшүләр дәвам итте. Алар бу чарадан бай мәгълүмат алдылар.  Ул  укучыларда горурлык хисе тәрбияләүдә ярдәм итәр

Мәктәбебездә туган тел, әдәбият һәм тарих атналыгы дәвам итә. Бу уңайдан  “Булмаган җире сирәк, үзе һәрвакыт кирәк” темасына табышмаклар кичәсе үткәрелде. Чараның беренче өлешендә укытучы Мөхәммәтова С.М. табышмаклар турында чыгыш ясады, бай мәгълүмат җиткерде. Соңыннан 5 нче һәм 6 нчы сыйныф укучылары , ике командага бүленеп, зирәклектә , тапкырлыкта көч сынаштылар (“ Тукай оныклары “ һәм “Балачак” командалары). “Табышмакларны иң күп белүче” исеменә “ Тукай оныклары “ командасы лаек булды.

Бүген укучылар “Шигърият илендә” дип исемләнгән радиотапшыру белән чыгыш ясадылар. Алар шагыйрьләрнең күркәм холыклар турында язылган шигырьләрен укыдылар. Әйе, шәфкатьлелек , киң күңеллелек, башкаларны ихтирам итү, гаделлек, тырышлык, сабырлык – кешедәге иң уңай сыйфатлар. Укучылар үзләренең чыгышларында моны исбатладылар. Тапшыру түбәндәге шигъри юллар белән тәмамланды.
Яхшылык – үзе дога!
Бар кеше изгелек кылса,
Яктырыр иде дөнья.
Изгелек ул – беркайчан да
Тузмый торган хәзинә.
Яхшылык эшлик һәрвакыт,
Ул үзе изге дога!

Табигать фәннәре атналыгы кысаларында 10-11 сыйныф укучылары арасында "Знатоки химии" исеме астында КВН үтте. Укучылар органик химия буенча белемнәрне ныгыттылар, "химик сәгать" ясадылар.

География атналыгы кысаларында бүген мәктәбебездә "Карта буйлап дөнья гиздем, ару-талу белмәдем" дип аталган интеллектуаль бәйге булып үтте. 7,8 нче сыйныф укучылары үзара көч сынаштылар. Бәйге дуслык җиңүе белән тәмамланды.

Эковесна-2018 акциясе һәм биология атналыгы кысаларында тәнәфес вакытында "Без табигать баласы" дип исемләнгән ачык чарада Шәрифуллин Рәдис һәм Гыльметдинов Илшат чыгыш ясадылар.

Эковесна-2018 конкурсы кысаларында 7 нче сыйныф укучылары технология укытучысы Фәнзир Якубович белән берлектә сыерчык оялары ясадылар. Молодцы,егетләр!

                     Вниманию родителей будущих первоклассников!

С 1 февраля начался прием заявлений в 1 класс на 2018-2019 учебный год. С документами можно ознакомиться на сайте школы во вкладке "Прием в школу".

27-29 март көннәрендә, Мамадыш районында 2003-2004 елгы укучы кызлар, егетләр арасында ирекле көрәш буенча Татарстан беренчелегенә ярышлар үткәрелде. Чарада мәктәбебезнең 6 сыйныф укучысы Семенова Азалия 66 кг үлчәү авырлыгында катнашып, I урынны яулады. Җитәкчесе: Нәбиуллин Илфат Нәҗипович. Азалияне һәм җитәкчесен җиңүләре белән котлыйбыз, алга таба да уңышлар телибез.