Мәктәбебездә бүген волейбол буенча зона ярышы үткәрелде. Чарада Симет, Мичән, Тимершык һәм Шыңар  мәктәбенең укытучылар командалары катнашты. Һәр команда матур уен күрсәтте. Нәтиҗәдә Симет, Мичән командалары җиңүче дип табылды. 

Уку елының 3 нче чиреге дә тәмамланды. Шул уңайдан бүген мәктәбебездә ата-аналар җыелышы үткәрелде. Көн тәртибе буенча сүзне рус теле һәм әдәбияты укытучысы Хисамутдинова Элмира Николаевна башлап җибәрде, ул ата-аналарга мәктәп белән гаилә тәрбиясенең бергә алып барылырга тиешлеген искәртте, шулай ук уку-укыту эшләре буенча директор урынбасары Сафина Ләйсән Мөхәммәтнуровна мәктәпнең күрсәткечләре,укучыларның өлгереше белән таныштырды, авыл советы рәисе Гарипов Алмаз Габделхакович ата-аналарны кызыксындырган сорауларга җавап бирде, ә инде мәктәбебез директоры Мөбарәков Рамил Гыйлемханович балаларның тәртибенә, көндәлек киемнәренә, өйгә бирелгән эшләр вакытында эшләнәме? шуларга игътибарны арттырырга кирәклеген искәртте. Җыелышның икенче өлеше сыйныфларда дәвам итте. 

С 15 марта-по 1 апреля в нашей школе прошли мероприятия по профилактике и раннему выявлению туберкулеза, формираванию у учеников, учителей и родителей гигиенических навыков. В 8-11 классах прошли "Уроки здоровья", на родительском собрании для учителей и родителей были прочитаны лекции, на школьной линейке ученикам была предоставлена информационная справка по этому вопросу.

Бүген мәктәбебез укучылары ОБЖ укытучысы Галимов Ф.Ә. белән берлектә, Шәмәрдән  лицеенда булып узган “Әҗаган-2018”хәрби-патриотик уенында катнашып кайттылар. Уңышлы нәтиҗәләр күрсәтеп, I урынны яуладылар. Барлык катнашучыларны җиңүләре белән котлыйбыз, алга таба да зур җиңүләр телибез. 

#айданавыборы#участок2464#сабинскийрайон#

Мәктәбебез укучылары Кече Шыңар мәдәният йорты хезмәткәрләре белән берлектә шушы көннәрдә 90 яшьлек  юбилеен билгеләп үткән хезмәт һәм тыл ветераны Аскарова Нәкыя апада кунакта булып кайттык. “Кыңгырау” балалар иҗат коллективы берсеннән-берсе матур җырлар, шигырь  һәм биюләр бүләк иттеләр. 

 Язгы игелек атналыгы кысаларында, бүген мәктәбебездә спорт уеннары оештырылды. Чарада укучылар үзләренең сәләтләрен,көчләрен сынаштылар. Мондый уен чаралары һәр балалага яхшы кәеф, энергия бирә. Физкультура  һәм спорт – сәламәт яшәү рәвешенең аерылгысыз өлеше. 

Бүген Саба гимназиясендә балалар өчен Республикакүләм үткәрелүче "Без бергә" фестиваль-конкурсының район этабы булып үтте. Чарада мәктәбебезнең "Таң нурлары" кызлар вокал ансамбле, 3 сыйныфтан Галимова Гөльяз, Мөбарәкова Динәләр катнашты. Нәтиҗәдә: кызлар вокал ансамбле 3 урынга лаек булды. Җитәкчесе: Файзуллина Алинә Мәкъсуд кызы.

Бүген мәктәбебез укучылары Язгы игелеклелек атналыгы кысаларында  Олы Шыңар авылында урнашкан обелискны кардан һәм чүпләрдән арындырдылар. Чарада 10 укучы катнашты. Шулай ук 9 май – Җиңү көненә хәтле обелиск янын чәчәкләр белән бизәү турында да сүз алып бардылар. 

Язгы игелеклелек атналыгы дәвам итә. Бүген мәктәбебездә экология дәресләре үткәрелде.  Табигать чиста, матур булсын өчен укучыларда кечкенәдән мәрхәмәтлелек, җаваплылык  хисләре тәрбияләргә кирәк. Экология дәресләре нәкъ менә шул максаттан үткәрелә. Дәрестә укучылар дөньядагы урманнар, аларның һәрберсенең үзенә генә хас үзенчәлекләре белән таныштылар. Мәктәбебездә мондый дәрсләр һәрдаим үткәрелеп килә һәм нәтиҗәсе дә югары. #ДОБРЫЙТАТАРСТАН#МӘРХӘМӘТЛЕТАТАРСТАН#МЫВМЕСТЕ#БЕЗБЕРГӘ