21 февраль - Халыкара туган тел көне. Бу уңайдан мәктәбебездә “Әткәм - әнкәмнең теле”,“Ярдәмең берлән синең...”,“Туган тел – бер генә...”,“Җыр булырлык сүзләр биргән, Туган телем, рәхмәт сиңа!” темаларына сыйныф сәгатьләре үткәрелде.

Бүген мәктәбебезнең  1 нче сыйныф укучылары өчен зур бәйрәм - Әлифба бәйрәме булып  үтте. Укучылар бу бәйрәмгә бик тырышып һәм теләп әзерләнделәр.  Әти-әниләренә үз куллары белән ясалган открыткалар, берсеннән –берсе матур, күңелле җыр-биюләр, шигырьләр  бүләк иттеләр.  Беренчеләргә алга таба да укуларында уңышлар, тырышлык һәм сабырлык телибез!

Бүген Әфган сугышында һәлак булган якташыбыз Зиннәтуллин Илфат Якуп улын искә алып аның каберенә венок куелды. Зиннәтуллин Илфат Якуп улы 1963 нче елның 12 нче декабрендә Татарстанның Саба районы Чулпыч авылында туа.Саба районының “Авангард” колхозында эшли. Кораллы көчләргә 1982 нче елның 1 нче апрелендә Саба РХК тарафыннан алына, Әфганстан Республикасына 1984 нең гыйнварыннан. Сержант, мотоукчы отделениясе командиры.Берничә тапкыр сугышчан операцияләрдә катнаша, алар барышында отделение белән ышанычлы командалык итә.1984 нче елның 26 нчы июлендә сугышчан задание үтәгәндә һәлак була, соңыннан гына кызыл йолдыз ордены белән бүләкләнә. 

Мәктәбебездә хәрби-патриотик тәрбия һәм спорт айлыгы кысаларында егетләр арасында хоккей ярышы уздырылды

Бүген мәктәбебездә "Шаг в будущее" дип исемләнгән фәнни-практик конференция булып узды. 3-6 сыйныф укучылары үзләре әзерләгән проект эшләрен жюрига тәкъдим иттеләр.

10 февральдә үткәрелгән "Лыжня России-2018" мәктәбебез укучылары һәм укытучылары  бәйгесендә бик актив катнаштылар.

Мәктәбебездә хәрби-патриотик тәрбия һәм спорт айлыгы кысаларында укучылар өчен ГТО нормаларын тапшыру оештырылды.

1943 елның 2 февраленда Сталининград сугышы барышында фашист гаскәрләре тар-мар ителә. Бүген мәктәбебездә әлеге көнгә багышланган бердәм дәрес үткәрелде.

Мәктәбебездә хәрби-патриотик тәрбия һәм физкультура-спорт айлыгы башланып китте.