Китапка багышланган атна китап, аның ничек барлыкка килүе, нәрсәдән эшләнүе, китапханәче хезмәте турында балаларның белемнәрен киңәйтүгә багышланды. Атна дәвамында балаларда китап карау, укуга, белемгә омтылыш тәрбияләү, китапларга карата сак караш, хөрмәтләү күздә тотып эшләнде. Китапханәче хезмәте белән тирәнтен таныштыру, китаплар турында белмнәрен киңәйтү йөзеннән Әбрар Каримуллин исемендәге Саба китапханәсенә экскурсияләр даими оештырылып килә. Балалар төрле журналлар, энцеклопедияләр, китаплар белән танышып, китаплар белән эш итү тәртипләренә төшенәләр.

Кыш айлары җитү белән олысы-кечесе чаңгы, чаналарын алып урамга чыга, традицияне дәвам итеп, быел да, безнең бакча балалары чаңгы белән шуарга чыктылар. Саф һавада спорт белән шөгыльләнү үз чиратында иң элек сәламәтлекне чыныктыру өчен кирәк. Балалар чаңгы белән шуарга бик яраталар, һәрберсе урамга чыгарга омтылып тора.

"Мы команда хоть куда!

В спорте все мы мастера.

Будем бегать, мяч гонять,

За победу воевать"

Үсеп килүче буынның сәламәтлеген ныгыту, сәламәт яшәү рәвешен формалаштыру,әти-әниләр һәм балаларның аралашуы өчен шартлар тудыру,спорт төрләре белән кызыксынучанлыкларын арттыру максатыннан "Әти, әни һәм мин - спорт сөюче гаилә" исеме астында бик күркәм чара үткәрелде. "Шатлык" балалар бакчасы данын Энҗе, Сафира, Ильнар Файзутдиновлар, Фәридә, Камил, Илшат Вильдановлар гаиләләре яклап катнаштылар. һәрбер гаилә үзләре турында стенгазета әзерләп алып килде. Файзутдиновлар, Вильдановлар гаиләләре төрле спорт, интеллектуаль ярышларда актив катнаштылар. Вильдановлар гаиләсе "Иң көчле гаилә", Файзутдиновлар гаиләсе "Иң җитез гаилә" номинацияләрендә җиңү яулап истәлекле бүләкләргә лаек булдылар. Бакчабызның данын яклап катнашкан Файзутдиновлар, Вильдановлар гаиләләренә зур рәхмәтебезне җиткерәбез. Киләчәктә аларга тыныч-тигез тормыш, саулык-сәламәтлек, озын гомер, бәхет, шатлык, куанычлар, балаларының игелеген күреп яшәүләрен теләп калабыз.

Беренче яуган кар балаларны гына түгел, өлкәннәрне дә сөендерә. Карның әз булуына карамастан балалар берсеннән-берсе уздырып кар бабай әвәләделәр. Җепшек, сыланучан кардан гына әвәләп булуына төшенделәр.

Балаларга җир йөзендә яшәүче халыкларның торак йортлары, аларның яшәү урыннарына бәйле булуын, һәрбер торак йортта бер гаилә яшәвен аңлату, гаилә әгъзаларына хөрмәт, ихтирамлы мөнәсәбәт, ярату хисләре тәрбияләү. Әниләрнең иң якын, кадерле кешеләр булуына төшендерү, әниләргә карата ихтирам, хөрмәт, мәхәббәт, кайгыртучанлык хисләре тәрбияләү, игътибарлылыкларын үстреү. Балаларның йорт җиһазлары турында белемнәрен баету, тирәнәйтү, мөстәкыйль һәм гомүмиләштереп фикерләү сәләтен үстерү максатыннан "Минем гаиләм, өем, йорт җиһазлары. Әниләр көне" атналыгы үткәрелде. Балаларның бердәм эшчәнлегендә атналык тема киң чагылды. Уртанчылар төркемендә "Иң кадерле, иң сөйкемле син ул - Әнием", "Өч аюда кунакта", зурлар төркемендә "Дәү әнием", мәктәпкә әзерлек төркемендә "Минем гаиләм" темаларына багышланды. Балалар тырышлыгында Әниләргә берсеннән-берсе матур бүләкләр әзерләнде.