Әкият - баланың дусты һәм кечкенә чактан ук шатлык чыганагы. Әкият каһарманнары белән бергә, бала җиде кат җир астында, ерак җирләрдә «сәяхәт итә», төрле илләргә «барып кайта», аларның табигате белән таныша, халык тормышы, аларның уй-хыяллары турында белә. Әкият аның аңын һәм фантазиясен үстерә, тасвирлы теле белән балаларның сөйләм телен баета.Әкиятләрдәге хыял, оста итеп уйлап чыгару балаларның иҗади фикерләвен үстерә. Тыңлаганда, сөйләгәндә, үз әкиятләрен тудырганда бала хыяллана, уйлап таба, үзенең эчке дөньясына якын образларын күзаллый һәм намуслы-лыкны, хезмәт сөюне, тырышлыкны, гаделлекне җиңүче итәргә омтыла. Беренче кечкенәләр төркемендә балалар  тәрбияче Ахметсафина Л.Х. әкиятләрне эзлекле итеп сөйләргә өйрәнәләр.

Бүген Әбрар Каримуллин исемендәге үзәк китапханәгә зурлар төркеме экскурсия оештырды. Балалар китапханәсе, китапханәче хезмәте, балалар китап-журналлары белән таныштылар. Балаларны китапларның барлыкка килү тарихы, алар белән эшләү тәртибе белән таныштырдылар, китаплар белән сак эш итәргә кирәклеген искәрттеләр.

Искә ала бүген Ватаныбыз

Шаулап үткән көрәш елларын.

Данлый, зурлый һәм хөрмәтли

Курку белмәс батыр улларын.

Җиңү көне җиңел бирелмәде,

Җыр җырланмый шөһрәт-дан өчен.

Йөрәк җылый һәрбер солдат өчен,

Егермеләп миллион җан өчен.

Яңгыра җыр, тыйнак илем өчен,

Рәхмәт, Ватан, җиңдең, талпындың.

Яңгыра, җыр, горурлыгы булып халкымның.

Балаларны илебезнең иминлеген саклап, Ватан алдында бурычларын үтәүче солдатларыбыз, гаскәрләр белән таныштыруны дәвам итү. Бөек Ватан сугышында ятып калган каһарманнарны искә алу, аларның батырлыклары турында күзаллауларын киңәйтү, сугышчыларга, солдатларга карата хөрмәт хисе, игътибарлылык тәрбияләү максатыннан 6-10 май көннәрендә  “Җиңү алып килгән яз” атналыгы үткәрелде. Йомгаклау чарасы итеп "9 май - Бөек җиңү көне" бәйрәме уздырылды.

Әйләнә тирә мөхитне чистарту, ямьләндерү эше яз җитү белән башлана. Сабинка елгасы ярларын чистартуда безнең коллектив елдагыча актив катнаша һәм бүленгән учсатокны даими тәртипләп тора.

Салкын кышлар үтеп, яз килгәндә,

Җылы яктан кошлар кайтканда.

Туган көнең синең, бөек Тукай,

Тугры халкың итә тантана.

Туган җирең, халкың турындагы

Шигырьләрең мәңге яшь синең,

Син үзең дә безнең күңелләрдә

Япь-яшь Тукай булып яшисең.

Габдулла Тукайның туган көнен билгеләп үтү күркәм чараларның берсе. Бәйрәм көнендә яратып укыла торган әсәрләре: шигырь, әкиятләре сәхнәләштерелә,яттан сөйләнелә, җырлар башкарыла.