Кече яшьтән балаларны сәламәт яшәү рәвеше алып барырга, спорт белән шөгыльләнергә күнектерү максатыннан бүген уртанчылар төркеме балаларын тәрбияче апалары Саба йөзү бассейнына экскурсиягә алып бардылар. Балалар, өлкәннәр йөзү урыннарын күзәткәннәр, тренажер залында булганнар. Тренажерда нинди күнегүләр эшләп булуын, ничек эшәргә кирәклеген, йөзүнең организмга бик файдары булуын,кече яшьтән йөзәргә өйрәнергә кирәклеген аңлатканнар. Экскурсия балалар өчен эчтәлекле, файдалы булды.

Саф һавада булу балалар организмын чыныктыра, ныгыта. Саф һавага чыгу ул ирекле уеннар гына уйнату түгел әле. Балаларны кышкы табигатьнен матурлыгын күрә һәм әйтә белергә күнектерү, хәрәкәт активлыгын үстерү буенча хәрәкәтле уеннар оештыру.  Гөлназ Сулеймановна балалар белән бүгенге һава торышын күзәтеп - көннең аяз, салкын икәнен, җилле булуын билгеләп үттеләр. "Куяннар һәм аучы" хәрәкәтле уенын уйнадылар. Балалар һәр төр эшчәнлектә теләп катнашатылар.

Бүген уртанчылар, зурлар, мәктәпкә әзерлек төркеме балалары мәдәният йортына экскурсиягә бардылар. Туфан Миңнуллин исемендәге Түбән Кама татар дәүләт драма театры артистлары балаларга татар халкының бөек язучысы Г. Тукай әсәрләре буенча сәхнәләштерелгән "Шомбай маҗаралары" спектаклен күрсәттеләр. Спектакль җанлы барды. Балалар "Шүрәле", "Су анасы" әкиятләрен искә төшереп Шомбайның сорауларына җавап, кирәк вакытта ана киңәшләрен бирделәр. Спектакль балалар өчен кызыклы, матур, эчтәлекле эшләнгән. Әкият үзара дус-тату булырга, һәрдаим ярдәмләшеп яшәргә кирәклеген искәртте.

Мөселманга фарыз баш киеме-

Үзе матур, үзе бәләкәй.

Әллә кайдан нурлар сибеп тора

Кызлар чиккән милли түбәтәй.

"Әбиемнең серле сандыгы" атналыгы барышында уртанчылар төркеме балалары тәрбияче Сабирова Р.Р. белән берлектә кисеп-ябыштыру эшчәнлегендә татар халкының милли орнаментларын кулланып түбәтәй бизәделәр.

Бүген зурлар, мәктәпкә әзерлек төркеме балалары физик тәрбия бирү тәрбиячесе Аубакирова Г.А., тәрбиячеләр Гилемханова Ә.Ә., Фатихова Г.Х. җитәкчелегендә чаңгы базасына экскурсиягә бардылар. Тренер Гарипов М.З. сәламәтлекне саклау өчен даими спорт белән шөгыльләнергә кирәклеген аңлатты. Чаңгыда йөрү, тимер аякта шуу, саф һавада булуның организмны чыныктыруга йогынтысы зур булуын искәртте. Чаңгыны ничек сайларга, ничек сакларга,яхшы шуар өчен ничек әзерләргә кирәклеген, шуу алымнарын аңлатты. Район чаңгычыларының республика,Россия күләм оештырылган ярышларда катнашып алган кубоклары белән таныштырып үтте. Үсә төшкәч чаңгы спорты белән шөгыльләнергә теләге булган һәркемне көтеп калуын җиткерде.

Урамнарга, бакчаларга,

Урман, кырлар өстенә

Ак мамыктай күбәләк кар

Төшә дә төшә генә.

Бүген МБМБУ Саба 1 "Шатлык" балалар бакчасы коллективы кар көрәү, биләмә тирәсен чистару буенча өмә үткәрде.