Пингвинны ясап куйдык

Истәлек булып калсын.

Кемнәр тели , безнең белән

Көньякка да юл алсын.

Юлда йөри беләсеңме?

Үтисеңме кагыйдә?

Шушы хакта сөйләшәләр

Бу атнада һәр өйдә.

Яңа елны көтеп ала һәркем,

Юш килсен дип  юрый теләген.

Яңа елда иң-иң якынына

Бүләк итә кайнар йөрәген.

Яңа елда өмет капкалары

Бәхет теләп кенә ачылсын.

Һәрбер йортның тәрәзәсенә ул

Ак канаты белән кагылсын.

Без авылыбыз китапханәсенә сәяхәткә бардык. Сәяхәтебез тукталышлар аша үтте. 1 тукталыш - китапханә.

Монда безне китапханәче Тәгъзимә апа каршылады. Ул безне китапханәдә бик күп китап барлыгын, балалар өчен чыга торган газета, журналлар белән дә таныштырды. Сорауларыбызга бик теләп җавап бирде. Без анда бик зур һәм бик кечкенә китаплар да күрдек.

2 тукталышта безне авылыбыз фельшеры Резидә апабыз көтә иде. Үзебезнең басу- кырларда, болыннарда үсүче дару үләннәре белән таныштырды ул. Авырмас өчен аларның файдалары турында сөйләгәндә, балалар бик игътибар белән тыңладылар.

Менә без 3 тукталышта.

Монда безне уенчыклар көтеп тора иде. Аларны нинди материаллардан ясалганы бездә зур кызыксыну уятты. Без алар белән рәхәтләнеп уйнадык.

Саф һава тәнгә дәва, дип -

Чыктык бергә урамга

Чаңгыларны киеп куйдык

Һич куркытмый буран да.

Тезелешеп бер-бер артлы,

 Тип-тигез юллар салдык

Ап-ак, чиста кар өстенә

Егылышып та алдык.

Бик тырышып кошлар өчен, 

Җимлекләр ясап элдек.

Аларга авыр кыш көне,

Җиңел түгелен белдек.

Тәрәзәдән карап тордык-

Килүләрен кунакка

Бик яратып куна алар

Җимлек элгән куакка.

Бу атнада, урман, аның матурлыгы, байлыгы, кышлаучы кошлар турында өйрәндек. Йомгаклау чарасы " Урман аланына сәяхәт" (табышмаклар кичәсе) үткәрелде. Балалар бик күп мәгълүмәт алдылар.