Бакчабызда  Корбан ашы булып узды.  Авылыбызның  имам хатибы Илнур хәзрәт  бик матур, аңлаешлы итеп, нәниләр күңеленә дә барып җитәрлек итеп вәгазьләр сөйләде. Ул укыган вәгазьләр балалар күңеленә яхшылык орлыгы булып ятар да киләчәктә аларның  тәрбияле, тәртипле булып үсүләренә дә йогынты ясар дигән өметтә калабыз. Балалар да  үзләре белгән дога – сүрәләрне укып күрсәттеләр һәм мактау сүзләре ишетеп бик  куандылар. Әти – әниләр һәм барыбыз исеменнән дә Илнур хәзрәткә зур рәхмәтләребезне ирештерәбез.

Зифа буйлы, җитен чәчле,

Зәңгәр күзле шушы кызның

Әй шалкан, шалкан, шалкан

Бигрәк зур үскәнсең.

Чакырырга туры килер......

Һәркемгә ипи кирәк,

Һәркөнне ипи кирәк.

Шуңа күрә игенчене

Хөрмәт итәргә кирәк.

Балалар атна буенча, икмәкнең өстәлгә ничек килүе турында сөйләштеләр, мәкальлар, шигырьләр, җырлар өйрәнделәр, рәсемнәр ясадылар. Балаларда икмәккә, игенче хезмәтенә ихтирам хисләре тәрбияләнде.

Без бүген,  көзге табигать кочагына сәяхаткә чыктык. Тирә - ягыбыздагы матурлыкка сокландык, андагы төсләргә гаҗәпләндек.  Сары, яшел, кызыл яфракларны җыйдык. Рәхәтләнеп саф һава сулап, төрле хәрәкәтле уеннар уйнадык.

1 - октябрь Өлкәннәр көне. Без ел саен бакчага кунакка, дәү әтиләребезне,  дәү әниләребезне чакырабыз. Быел да аларны көтеп алдык. Аларга багышлап җырлар җырладык, шигырьләр сөйләдек. Бәйрәмдә барыбызда актив катнашты. Өлкәннәр безгә изга теләкләр теләделәр, күчтәнәчләр белән сыйладылар. 

Ел саен кабак бәйгесе

Үткәрелә районда.

Бик тырышып әзерләнеп

Катнаштык без быел да

Согын да чыгардык менә,

Бәлешен дә пешердек

Истәлеккә калсын диеп

Фотога да төшердек.

Хөрмәтле балалар бакчасы тәрбиячеләре!
Сезне чын күңелебездән һөнәри бәйрәмегез -Тәрбиячеләр көне белән котлыйбыз! Тәрбияче хезмәте – авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Хөрмәтле тәрбиячеләр, һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!
Тәрбияче!
Синдәдер ул йөрәкнең иң олысы,
Синдәдер ул күңелләрнең иң җылысы,
Һәр көн сиңа ничә сабый карап тора,

Алар сине әниседәй якын күрә.
Еласалар – син аларны юатасың,
Боексалар – син аларны уйнатасың.
Сөйләшәсең күңелләрен аңлап кына,
Орышасың кайчагында җайлап кына.
Үз улыңдай, үз кызыңдай якын күреп,
Үстерәсең ничә буын балаларын.
Киткән чакта бакча белән саубуллашып,
Елый-елый озатасың син аларны.
Тәрбияче!
Кирәк чакта җитез дә син, тапкыр да син,
Кирәк чакта сабыр да син, батыр да син.
Бик җаваплы, авыр синең хезмәтең дә,
Тиешенчә күрсәң иде хөрмәтен дә.
 

Шатлыклар күңелебездә,

Ал кояш күгебездә.

Килегез, дуслар кунакка

Сабантуй бүген бездә.