19 нчы май – һәр кеше күңеленә Пионерия туган көн  булып кереп калгандыр.  1922 елдан башлап, ул тарихта беренче пионер оешмалары барлыкка килгән көн буларак яши... Кемдер үзенең балачагын муенындагы кызыл галстугы белән хәтерли, ә кемгәдер пионер быргысы чакыруы бөтенләй таныш түгел. Кайчандыр шаулап - гөрләп яшәгән Пионерия инде тарихта гына калды. Әмма яшь буын да бер  урында таптанып тормый. Татарстан укучыларының күпчелеге үзләрен варислар дип атый, кемдер эзтабарлар отрядына йөри, кемдер табигать дуслары исемлегенә кергән. Кыскасы, һәр бала ниндидер эш белән шөгыльләнергә, тормышын кызыклырак итәргә тырыша: эзләнә, таба, куллана. 18 нче  май көнне Арташ авылының гүзәл урман аланында, Пионерия туган көненә багышланган слет узды. Бирегә районыбызның 22 балалар оешмасыннан иң актив, сәләтле, иҗади эзтабар һәм варислары, педагог - оештыручылар җыйналды. Слетта балалар  оешмаларының еллык эшчәнлегенә йомгак ясалып, ел дәвамында  иҗади конкурсларда җиңү яулаган, актив катнашкан укучыларга Грамоталар тапшырылды. Укучылар өчен күңелле спорт уеннары оештырылды. 

    18 нче май көнне район мәдәният йортында фән олимпиадаларында район һәм республика күләмендә призлы урын алган укучыларны һәм "Ел укытучысы - 2016" конкурсы җиңүчеләрен тәбрикләү тантанасы үтте. Тантанага шулай ук укучыларның әти – әниләре һәм олимпиадаларга әзерләгән укытучылары чакырылган иде. Безнең мәктәптән бу тантанада татар теле фәненнән республика күләмендә призлы урын яулаган 11 нче сыйныф укучысы Зәйнагиева Зәлинә, “Ел укытучысы - 2016” конкурсы җиңүчеләре - Гафиятова Гөлүсә Айрат кызы, Файзыханова Айсылу Ильяс кызы, Халиков Рамил Рафис улы катнашты. Җиңүчеләрне чын күңелебездән җиңүләре белән котлыйбыз һәм алга таба да зур уңышлар телибез. Без сезнең белән горурланабыз!  

    1998 елдан бирле үткәрелүче бу бәйрәм, Петербург шәһәренә барып тоташа. 1905 елның 19 маенда анда беренче Гомумроссия татар газетасы “Нур”ның тәүге саны басылып чыккан. Татарстан журналистларының һәм газета-журналлар нәшер итү белән бәйле барлык һөнәр ияләренең профессиональ бәйрәме әнә шул дата хөрмәтенә билгеләп үтелә.

   Бүген 11 нче сыйныф укучылары урта гомуми белем курсы буенча, татар теленнән мониторинг тикшерү эше (сочинение элементлары белән изложение) яздылар.

    Бүген 4 нче сыйныф укучылары математика фәненнән Бөтенрәсәй тикшерү эше эшләделәр.

17 майда  Халыкара балалар ышаныч телефоны көне билгеләп үтелә. Ышаныч телефонының төп бурычы – балаларның зарларын тыңлау, тормышта катлаулы һәм авыр хәлләргә юлыккан сабыйларны яклау, аларга һәм әти-әниләренә ашыгыч психологик ярдәм күрсәтү. Балалар ышаныч телефонында махсус укытылган белгечләр – психологлар эшли. Анда һәр кеше, шул исәптән ата-аналар, олылар да шылтырата ала. Исем-фамилияңне, адресыңны, бүтән мәгълүматларыңны атамасаң да була. Ышаныч телефоны аноним һәм бушлай ярдәм күрсәтә. Четерекле хәлгә юлыккансың икән – шалтырат! Балалар ышаныч телефонының номеры – 8-800-2000-122.

   14 нче май көнне укучылар җәйге спартакиадасының район туры үтте. Ярышларда безнең мәктәп укучылары да актив катнашты. Мишәбаш башлангыч мәктәбенең 4 нче сыйныф укучысы Шакирова Айзилә 30 м.лы дистанциягә йөгерү буенча II урынны яулады. Котлыйбыз, Айзилә!