Ярмиев Разиль, ученик 8 класса, на работе у отца в Межрайонной ИФНС России №10 по РТ.

   Һөнәри юнәлеш бирү максатыннан, язгы каникул чорында укучыларга әти - әниләренең эш урыннарында булып, хезмәтләре белән танышып кайтырга тәкъдим ителгән иде. Бу тәкъдим күп укучыларыбызда зур кызыксыну уятты.     Мәктәбебезнең 10 нчы сыйныф укучысы Гыйлметдинова Илсинә әнисенең эш урынында - Мишәбаш фельдшер - акушерлык пунктында.

      28 нче март көнне район балалар иҗат үзәгендә КВН уеннарының финал этабы үтте. Мәктәбебезнең "Текәләр" командасы (җитәкчесе Ахатова Т.А.) финалга ук килеп җитмәсә дә, алдагы турларда актив катнашканы өчен Грамота белән бүләкләнде. Молодцы, "Текәләр!".

   И син Тукай, халкым күңелендә, якты йолдыз булып кабындың...                    Апрель аенда татар халкы бөек Тукайның тууына 130 еллыкны билгеләп үтәчәк. Шул исәптән мәктәбебездә, "Туган тел" айлыгына багышланган чаралар планы төзелде.

   26 нчы март көнне Мәдәният йорты каршында Нәүрүз бәйрәме оештырылды. Укучылар, укытучылар һәм авыл халкы җыр - бию һәм уеннарда актив катнашып, карга боткасы ашап, коймак белән чәй эчеп, изге теләкләр теләп, кышны озаттылар.

   Бүген Лесхоз бистәсендә яшүсмерләр һәм өлкәннәр арасында шәхси беренчелек өчен, Россия Федерациясенең һәм Татарстан Республикасының Атказанган урманчысы Н.М.Миннеханов истәлегенә багышланган шахмат ярышлары булып узды. Безнең мәктәп укучылары да бу ярышларда актив катнашып, уңышлы чыгыш ясадылар. (Җитәкчеләре - Шакирова М.М.)  

   Каникул көннәрендә 4 нче сыйныф укучылары белән рус теле, ӘТД һәм математика фәннәреннән май аенда үткәреләчәк Бөтенроссия тикшерү эшләренә әзерлек эшләре бара. 

   23 нче март көнне Габдулла Тукай исемендәге Арча педагогика көллиятендә, тел – әдәбият сөюче укучылар өчен оештырылган “Илһам” конкурсының зона этабы үтте. Безнең мәктәптән “Яшь прозаик” номинациясендә Галиева Гөлинә (җитәкчесе татар теле һәм әдәбияты укытучысы Галиева Г.Х.) уңышлы чыгыш ясады.Гөлинә бу бәйгедән иҗади уңышларына сөенеп, илһамланып кайтты.