Бүген гомуми линейкада "Тукай айлыгы"на йомгак ясалды. Айлык кысаларында үткәрелгән рәсем һәм шигырь конкурсларында призлы урыннар алган укучыларга мактау грамоталары тапшырылды. 

    Бүген санитар - экологик чисталык икеайлыгы кысаларында мәктәбебез укучылары укытучылар белән берлектә өмәгә чыктылар. Мәктәп яны тәҗрибә участогында, бакчада җыештыру эшләре башкарылды, агачларның төпләре йомшартылды. 

   Татарстанда Җир Хартиясе тормышка ашырыла башлауга 15 ел тулды. Шул уңайдан мәктәбебездә, “Җир Хартиясе принципларын – тормышка!” дип исемләнгән бердәм дәрес уздырылды. 

   27 нче апрель көнне бөек шагыйрь Габдулла Тукай турында укучыларның белемнәрен тирәнәйтү, аның иҗатына, тормышына карата кызыксыну уяту, телебезгә, әдәбиятыбызга мәхәббәт хисләре тәрбияләү максатыннан, татар теле һәм әдәбияты укытучысы Галиева Гөлназ Хәмит кызы 5 нче сыйныф укучылары белән "Тукай исеме - мәңгелек!" дип исемләнгән уен - викторина үткәрде.  

   Габдулла Тукайның 130 еллыгы уңаеннан мәдәният йортында уздырылган чараларда безнең укучыларыбыз да актив катнашты.