Мәктәбебез спорзалына зур ремонт ясалды. Хәзерге вакытта ремонт эшләре тәмамланып, укучылар  заман тәлапләренә туры килгән спортзалда шөгыльләнә башладылар.

Шатланмыйча, яки кайгырмыйча яшәгән милләт дөньяда була алмый. Ә безнең татар халкы турында барыннан да шатрак халык диләр.Әмма аның башка милләтләргә караганда да кайгы-хәсрәтлерәк,карадан-кара көне бар.Ул 1552 нче елның 15 нче октябре.Бу көнне Казан ханлыгы үзенең дәүләтчелеген югалта. Шушы уңайдан мәктәбебездә хәтер көне үткәрелде.

Бүген мәктәбебездә 9,11 нче сыйныф укучыларының әти-әниләр җыелышы үткәрелде. Җыелышның төп максаты - мәктәптә үткәрелгән ЕГЭ һәм ГИА нәтиҗәләре белән таныштыру.

Бүген мәктәбебездә 1-5 нче сыйныф укучылары арасында  "Белая ладья" дип исемләнгән шахмат ярышы башланды. Җитәкчесе башлангыч сыйныфлар укытучысы Шакирова Марсилә Мәҗитовна.

Бүген 7 нче сыйныф укучылары Явлаштау авылында ялгыз гомер кичерүче Дусикеева Рәйсә апаларга шефлыкка бардылар. 

Мәктәбебезнең тәҗрибә участогында быел чөгендер һәм кишер мул уңыш бирделәр. Хәзерге вакытта аларны җыеп саклауга кую эшләре башланып китте.

Бүген мәктәбебез укытучылары "Казан" агропромышленность паркында ярминкәдә катнаштылар.Мәктәбебез коллективы шәһәр халкына пешкән ризыклар тәкъдим итте, тәмле коймак һәм чәй белән сыйлады.

Мәктәбебез укытучылары Файзыханова Айсылу Ильясова, Фәйзрахманова Нуркыя Мөхәммәтхановна, Гыйбадуллин Зөлфәт Фоатович, Фазыйлов Илнур Илсуровичлар район командасы составында Казан шәһәренең Үзәк стадионында мәгариф хезмәткәрләренең җәйге Спартакиадасының финалында катнашып кайттылар.Сабалылар 48 команда арасында 5 нче урында.