Менә лагерьның, соңгы, егерме беренче көне дә җитте. Иртәнге аштан соң, укучылар Хәтер көнен искә алдылар, һәйкәлләргә чәчәкләр салдылар, лагерьның ябылу тантанасына әзерләнделәр, “Сау бул, Лагерь!» концерт программасында катнаштылар, әлеге темага рәсемнәр ясадылар. Төшке аштан соң, лагерьга йөргән укучылар белән үткән көннәрне искә төшердек, йомгак ясадык.

Лагерьның егерменче көнен җирле ландшафтны өйрәнүгә багышладык. Курсабаш авылында урнашкан бия буенда кечкенә генә экспедициядә булдык, “Табышмак иленә” сәяхәт иттек. Укучыларга бүгенге көн бик ошады.

Лагерьның унтугызынче көнендә иң оста балык тотучыны ачыкладык. Ә төшке аштан соң, балалар “Алтын балык” аппликацияләр конкурсында актив катнаштылар. Көн күңелле үтте.

Лагерьның унсигезенче көнендә авылыбызның экологиясе турында сөйләштек, викторина үтте, укучылар “Туган авылым табигате” темасына рәсемнәр ясадылар. Көнгә йомгак ясалды, актив укучылар бүләкләнде.

Лагерьның унҗиденче көне иртәнге оештыру эшләре белән башланды. Иртәнге аш ашагач, укучылар Курсабаш мәдиният йорты хезмәктәрләре белән очраштылар, экологик темага видеоролик карадылар, туган җиргә, туган илгә багышланган шигырь конкурсы да үтте. Төшке аштан соң, без экологик акциягә чыктык.

Лагерьның уналтынче көне чишмәләргә багышланды. Иртәнге аштан соң, укучылар белән авылыбыздагы чишмәләр буйлап сәяхәт иттек, тирә-якларын җыештырдык, чүптән арындырдык. Аннан кайткач, “Безнең чишмәләр” темасына рәсем конкурсы оештырылды. . Шулай ук “Наркотикларсыз тормыш айлыгы” кысаларында укучылар ике отрядка бүленеп пионербол уйнадылар. “Алые паруса” отряды җиңүче булды.

Лагерьның унбишенче көне Экология атналыгын башлап җибәрде. Укучылар “Туган ягым экологиясе” нә фоторепортаж ясадылар. “Матурлыкны саклыйк” чәчәкләр панносы ясадылар. Төшке аштан соң, саф һавада хәрәкәтле уеннар уйнадылар.

Бүгенге көн, көндәгечә, оештыру эшләреннән башланып китте. Иртәнге аштан соң, укучылар белән Югары Утар балалар йортының зоопаркына сәяхәт иттек. Анда төрле-төрле җәнлекләр, кош-кыртлар белән таныштык. Кайткач, укучылар белән зоопаркта күргән һәм башка хайваннар белән якынанырак танышу максатыннан, видеофрагментлар карадык. Укучыларга “җәнлекләр дөняьсында” бик ошады.  

Лагерьның унөченче көнендә укучылар Икшермәгә бардылар.Авиатренажерлар,  техник иҗат мәйданчыгы белән таныштылар. Балалар өчен бик кызыклы һәм мавыктыргыч булды. Аннан кайткач, саф һавада уеннар уйнадылар.