Районыбызда һәр елны үткәрелеп баручы "Ел тәрбиячесе-2018" конкурсы быел да башланып китте. Безнең бакчадан коллегабыз - тәрбияче Шәкүрова Чулпан Нуриәхмәт кызы район үзәгендәге "Балачак" балалар бакчасында уртанчылар төркеме балалары белән рус теленнән "Моя семья" дигән тема буенча шөгыль күрсәтте.Ул балаларны кызыксындыра алу  белән бер рәттән  куелган бурычларына да иреште,үзенең эш тәҗрибәсе белән дә уртаклашты. 

Зурлар төркеме балалары чыршы бизәү өчен төсле кәгазьдән фонарик уенчыклар ясадылар. Башта алар кыш фасылы турында кечкенә әңгәмә кордылар, аннан, кыш турында шигырь тыңладылар, үзләренең иң яраткан бәйрәмнәренең берсе булган Яңа ел бәйрәме якынлашуын искә төшерделәр. Аннан, әзер уенчыкны карап аны ясау алымы белән таныштылар. Узләре ясаган фонарикларны гирляндага җыеп бүлмәгә элеп тә куйдылар. 

Балаларыбызны сөендереп, бакчабыз мәйданчыгы яңа җиһазлар белән тулыландырды. Балаларны сөендергән өчен, барлык җитәкчеләргә зур рәхмәтебезне белдерәбез.

В средней группе прошёл Мамин праздник.Дети рассказали стишки мамам,пели песни и танцевали современный флешмоб. Ведь мама слово самое дорогое слово на свете.Мамам очень понравилос как их дети выступали.

Бүген зурлар төркеме балалары рәсем шөгылендә төрле патшалыкларның патшаларына һәм патшабикәләренә таҗлар ясадылар. Алар  башта баш киемнәренең төрләрен атадылар, аларны төркемнәргә бүлделәр. Нинди баш киеме кайсы очракта кулланылуын әйтеп бирделәр. Ә үзләре таҗлар ясап, таҗларны үз фантазияләре буенча бизәделәр. Нәтиҗәдә күп төрле патшалыклар өчен таҗлар килеп чыкты.  

Бу бәйрәмне зурлар төркеме балалары бик көтеп алдылар. Чөнки алар үзләренең яраткан әниләрен бик тә сөендерәселәре килде. Балалар бәйрәмгә тырышып әзерләнделәр. Әниләренә багышлап җырлар, шигырьләр, биюләр өйрәнделәр. Бәйрәм бик күңелле үтте.

Тиздән бик тизән балаларның көтеп алган бәйрәмнәренең берсе - "Әниләр көне" җитә. Шунлыктан зурлар төркеме балалары үзләренең яраткан әниләренә бик тырышып бүләк ясадылар. Алар ясаган бу чәчәкләр әниләр өчен иң кадерле бүләк булыр дип ышанасы килә.

Балалар белән юл йөрү кагыйдәләре түгәрәгендә, юл билгеләрен өйрәндек. Юл аша чыкканда игътибарлы булырга, билгеле урыннан гына зебра аша чыгарга кирәклеген искә төшердек. Юл билгесе булмаган урында юл аша чыкканда башта сул якка, аннары уң якка карап, машина килмәгәнгә ышангач кына, юл аша чыгарга кирәклеген өйрәндек.

Тиздән "Әниләр көне" бәйрәме уңаеннан зурлар төркеме балалары әниләренә үз куллары белән китапчык ясап бирергә уйладылар. Китапчыкны алар "Әнием" дип атадылар. Китапның беренче битенә әниләренә бәйрәмгә нәрсә бүләк итәргә теләүләре, ә икенче битендә нинди тәмле әйбер пешереп сыйлаячаклары, өченче битендә әниләренең портретын  ясап куйдылар.

Зурлар төркемендә сөйләм үстерү шөгылендә «Машина йөртүче һәм җәяүлене кисәтүче куркынычсызлык билгеләре» дигән тема өйрәнелде.Бу шөгыль  атна темасын да яктыртучы тема булды.Теманың  бурычлары:1. Балаларда урамда, җәмәгать транспортында, торак зонасында үз-үзеңне тоту культурасын тәрбияләү.2. Юлларда күзәтүчәнлекне, фикерләү мөстәкыйльлеген,игътибарлылыкны үстерү.3. Юл билгеләрен аера белү, юлда хәвефсезлек кагыйдәләрен өйрәнүне дәвам итү иде.

Балалар шөгыль барышында үзләренә күп кирәкле мәгълүмат алдылар. Алар "ПДД" дип аталган лэпбуктагы материаллар белән  таныштылар. "Серле китап" дип аталган юл йөрү кагыйдәләрен чагылдыручы китаптан "Куян гаиләсе маҗаралары" турында әкият тә тыңладылар. Шөгыль бик кызыклы һәм файдалы үтте.