Родители старшей и подготовительной групп устроили между собой Конкурс Новогодних поделок-игрушек.Приняли участие все родители.Всем огромное спасибо!!!

Зурлар төркемендә әти - әниләр җыелышы булып үтте. Җыелыш "Туган ягыма күңелле сәяхәт" дип аталган ачык чара белән башланып китте. Көн тәртибендә шулай ук бәйрәмгә әзерлек,балалар костюмнары,ял көннәре,бакча килешүе турында да сүз алып барылды.

Бүген бакчабызда булып үткән район семинары программасында уртанчылар төркемендә дә  "Авылым бизәкләре" дигән сөйләм үстерү шөгыле үтте. Тәрбияче апалары балаларны бистәбездә күп еллар эшләп килүче сувенир цехына экскурсиягә алып барды. Алар анда кашык һәм матрешкалар, савыт-сабалар ясау һәм бизәү серләре белән таныштылар.Үзләренең әти-әниләренең һөнәрләре,төбәкләренең үзенчәлекләре белән танышып белемнәрен, күзаллауларын киңәйттеләр. Кунакка килгән матрешкага дуслар табарга булыштылар һәм аның турында җыр да җырлап күрсәттеләр.

Бүген бакчабызда районыбыз күләмендә оештырылган "Социаль-коммуникатив белем бирү өлкәсендә мәсьәләләрне тормышка ашыру" темасын яктырткан  семинар булып узды.Көн тәртибе бакча мөдире Сәйфетдинова Л.Т. чыгышы белән башланып китте. Уртанчылар төркемендә "Авылым бизәкләре" дип аталган шөгыль узды,ә инде зурлар төркеме балалары "Туган ягыма күңелле сәяхәт" дигән исем астында "мавыктыргыч сәяхәткә чыктылар". Өченче өлештә мастер - класс күрсәтелде һәм семинар Саба муниципаль районы мәгариф бүлеге баш белгече Гумерова Л.М. чыгышы белән тәмамланды.

Зурлар төркеме,атна темасын йомгаклап,Музейдагы кыргый хайваннарны күзәтеп кайттылар.Монда,баксаң,урманнан бүре дә кайтып төшкән икән.Балаларның урман җәнлекләре янында истәлеккә фотога төшәселәре килде. Балаларны җылы каршы алып,экскурсия ясап,озатып калганы өчен, Сәрия апа Хафизовага бик зур рәхмәтләребезне белдерәбез.

Бакчабыз балаларына районыбыз башлыгы Рәис Нургалиевич үзенең бүләкләрен һәрдаим тапшырып кына тора.Чираттагысы - Урман тракторы.Балалар бүләкне бик ошаттылар һәм рәсемгә дә төшерергә булдылар.Бүләкләрегез өчен зур рәхмәт Сезгә,Рәис абый!!!

Бүген бакчабызга Лесхоз урта мәктәбенең Театр түгәрәге укучылары шүрәле турында спектакльләрен алып килделәр.укучыларның чыгышлары искиткеч сәнгатьле һәм мавыктыргыч иде,балалар зур кызыксыну белән карадылар,укучы абый-апаларын тагын көтеп калдылар.

Бакчабыз "Боз шәһәре"нә әверелә бара ахры.Көннән көн безнең бакчада кардан - боздан әкият геройлары барлыкка килеп кенә тора.Бакчабыз яныннан үткән абый-апаларны "Паркта"гы күңелле манзара да җәлеп итәр дип уйлыйбыз.

Урамга чыктык шаулашып,

Бакчадан чаңгыларда...

Эх,күңелле кыш көнендә

Ыжгырырга аларда!

Зурлар төркеме,атна темасын йомгаклап,кошларга җимлекләр куюны оештырды,балалар үз куллары белән канатлы дусларыбызны ашаттылар.