Китап-киңәшчең синең,

Дустың, ярдәмчең синең,

Ул хөрмәткә бик хаклы-

Кадерлә син китапны...

Чыннан да бу шигъри юлларда әйтелгәнчә, киап ул кешенең ярдәмчесе.Без бу атнада үзебезнең төркем балалары белән менә шул турыда әңгәмәләр кордык.Иҗат почмагындагы китапларны карадык, ремотлап та куйдык.Киталардагы шигырьләрне, әкиятләрне укыдык, сорауларга җаваплар бирдек.Ә җомга көнне авыл китапханәсенә экскурсиягә бардык. Гөлчәчәк апа балаларга матур китаплар күрсәтте.Әти-әниләр белән бергә килеп китаплар алып укырга тәкъдим итте.Балалар бу чарадан бик шатланып кайттылар, Гөлчәчәк апаларына рәхмәт әйттеләр.

Зурлар төркеме балалары бүген китапханәгә сәяхәт тоттылар.Анда аларны китапханәче Гөлчәчәк апалары каршы алды,тылсымлы китап иле белән таныштырды.Балалар бу очрашудан бик канәгать булып кайттылар.

Зурлар төркеме балалары бүген "Икмәк - яшәү чыганагы"исеме астындагы атнаны йомгаклап,шаулатып - гөрләтеп,"Сөмбелә бәйрәме" үткәрделәр.Бәйрәмгә үзенең мавыктыргыч уеннары,табышмак - мәкальләре белән " Көз кызы" кунакка килде.Балалар да җавапсыз калмадылар: белемнәрен күрсәттеләр - ипинең яшәү чыганагы булуы,игенче хезмәте турында җырлар җырлап,шигырьләр сөйләделәр,яфраклар белән биеп тә алдылар. "Көз кызы" балаларга "Куян күчтәнәчләре" дә өләште.

Исәнме, көз! Исәнме, көз!

Көттек без килүеңне.

Алтын көз синнән сорыйбыз

Бүләкләр бирүеңне.

Буген уртанчылар төркеме балалары белән "Көз бәйрәме" үткәрдек.Шигырьләр сөйләдек, матур җырлар җырладык, биюләр биедек, Көз кызы белән бергә уеннар уйнадык, табышмакларга җавап бирдек, ахырдан Көз кызы алып килгән күчтәнәчләр белән сыйландык. 

Зурлар төркеме балалары тәрбияче Мөбәрәкшина Гөлнара Ганиевна белән берлектә юл йөрү кагыйдәләрен өйрәнү буенча "Юл билгеләре иленә сәяхәт"кә чыктылар".Юл йөрү кагыйдәләрен өйрәнү буенча балаларның белемнәрен системалаштыру,билгеләрнең күп төрле булуын,һәрберсе транспорт йөртүчеләргә,җәяүлеләргә аерым информация аңлатуын,шуларны белеп,төгәл үтәгән вакытта юлларда хәвеф - хәтәрсез йөрергә мөмкин булуын балаларга аңлату максатыннан алып барган әңгәмәсендә ЮХИДИ хезмәткәре Закиров Динар Рамилевич,район мәгариф бүлеге вәкиле Гумерова Луиза Мәҗитовна катнаштылар.Машинада барганда балаларның нинди креслога утырып йөрергә тиешлеге турында видеороликлар күрсәтелде.Динар Рамил улы балалар белән юл аркылы чыгу буенча практик эшчәнлек алып барды.Очрашу истәлекле фотога төшү,балаларга блокнотлар һәм караңгыда яна торган смайликлар тарату белән тәмамланды.

Укытучылар көненә багышланган тантаналы кичәдә безнең "Ләйсән" балалар бакчасы  "Иң яхшы бакча" муниципаль конкурсының авыл җирлегенә урнашкан балалар бакчалары арасында "Иң күп уңыш алучы бакча" номинациясендә III урын алып, Татарстан Республикасының Саба муниципаль районы башкарма комитетының мәгариф идарәсе муниципаль казна учреждениясенең грамотасына лаек булды.

Кәрзин тулы алмалар,

Помидор һәм кыярлар,

Кәбестә,  кишер,  суган,

Безнең чиләкләр тулган!

Бу ел балалар белән бакчабызның уңышын мул итеп җыеп алдык.Үзебез утыртып үстергән яшелчәләрне җыю аеруча күңелле шул!!! 

"Иң яхшы бакча" конкурсының "Иң күп уңыш алучы бакча" номинациясендә 3 нче урын алуыбыз безне бик сөендерде.

Ни арада җәй үтте,

Матур көз килеп җитте.

Шатлык тулы бу бәйрәмне

Нәниләр күптән көтте. 

Бүген бакчабыз балалары Мәдәният йортында Өлкәннәр көненә багышлап үткәрелгән Тантанада катнаштылар."Әбием" җыры белән әби-бабайларын бәйрәм белән котладылар.

Кечкенәләр төркемендәге балалар халык авыз иҗаты әсәрләреннән әкиятләрне яратып тыңлыйлар.Үзләре герой булып уйнап, әкиятне башка балаларга күрсәтү аларга тагын да мавыктыргыч, кызыклы шөгыль. Әкият аша балаларда соклану, кайгырту, кызгану кебек хисләр тәрбияләнә, балаларның сөйләме баетыла, иҗади фикерләү сәләте үстерелә. "Көз" атналыгы уңаеннан балалар "Шалкан" әкиятен яратып уйнадылар.